ئیرانێ 55 كه‌س ل سێداره داینه
ئه‌ڤرۆ:
رێكخستنا مافێن مرۆڤی یا ئیرانێ ل ئۆرۆپا راگه‌هاند كو د ناڤ 26 رۆژێن بۆری یێن ئه‌ڤساله دا هه‌تا نها ئیرانێ 55 كه‌س ل سێداره داینه كو نیڤا وان كه‌سێن چالاكڤان و كه‌سێن سیاسی بووینه و ئه‌و یه‌ك ژی نیشا دده‌ت كو پشتی ئالۆزیێن ڤێ دووماهیێ ل ئیرانێ ده‌ستهه‌لاتا نها رێژا سێداره‌دانێ زێده‌تر لێ كریه و هه‌كه وه‌لاتێن ئێكه‌تیا ئۆرۆپا و ئه‌مریكا ل هه‌مبه‌ر ره‌وشا نها یا ل ئیرانێ بێه‌نگ بن ده‌ستهه‌لات دێ گه‌له‌ك كه‌سێن دی ژی ل سێداره ده‌ت.
رێكخستنا مافێن مرۆڤی یا ئیرانێ ئه‌و یه‌ك ژی دیار كریه كو ده‌ستهه‌لاتا نها دڤێت هژماره‌ك زێده ژ وان چالاكڤانێن كو ڤێ دووماهیێ هاتینه ده‌سته‌سه‌ر كرن لێ سێداره بده‌ت و هه‌روه‌سا حه‌فتیه‌كه ل پارێزگه‌ها سیستان به‌لوچستانێ ژی ب سه‌دان چالاكڤانێن به‌لوچی هاتینه ده‌سته‌سه‌ر كرن، ئه‌و یه‌ك ژی مه‌ترسیه‌كا گه‌له‌ك مه‌زنه و دڤێت رێكخستنێن مافێن مرۆڤی و وه‌لاتێن جیهانێ ل هه‌مبه‌ر ره‌وشا نها یا خراب ل ئیرانێ خوه‌دان هه‌لوه‌ست بن.
