ئەڤ سالە ١٨٢هزار گەشتیاران سەرەدانا هەرێما كوردستانێ كرینە
ئەڤرۆ
سولین سلێمان
هەرێما كوردستانێ سێ هزار و 927 بنگەهـ و ناڤەندێن گەشتیاری هەنە كۆ سالانە گەشتیارەكێن زۆر سەرەدانان دكەن ژ بۆ جهێن گەشتیاری هەژمارەكا زۆرژی ژ وان ل ناڤەراستا خواریا ئێراقێنە.
ئیبراهیم عەبدولمەجید پەیڤدارێ دەستەیا گشتیا گەشتوگوزارا هەرێما كوردستانێ بۆ رۆژناما ئەڤرۆ گۆت: د بەرێدا ژ ئەگەرێن گرانیا بهایێ جهـ و كومپانیایێن گەشتیاری گازندێن خەلكی دگەل خو ئینابوون، لێ پشتی وێ دەستەیا گەشتوگوزاری چەند رێنماییەك دەرێخستن ژ بۆ چارەسەكرنا ڤێ چەندێ باشتركرن و زێدەكرنا خزمەگوزاریان ژ بۆ گەشتیاران.
خویا كر: بەردەام كاردكەین ژ بۆ پێشخستنا كەرتێ گەشتیاری هەمی ئامار ژی وێ چەندێ دەردئێخن كۆ زۆریا رێژەیا گەشتیاران ژبۆ هەرێما كوردستانێ بەردەوام د زێدەبوونێدانە.
ئاشكرا ژی كر: ئامارێن هاتنا دەسپێكا ئەڤ سالە ژ بەر نەورۆزی و سەرێ سالا نویا كوردی ل هەولێرێ ٦١ هزار گەشتیار و ل سلێمانیێ ژی ٦٤ هزار گەشتیار و ل پارێزگەها دهۆكێ ٥٥ هزار گەشتیار بووینە.
گۆت ژی: ب خوشحالیڤە سال ب سال ئامارێن گەشتیاری بلند دبن، چونكی ئارمانجا ڤێ كابینی ئەوە كەرتێ گەشتیاری پتر بەرەڤ پێشڤە بچیت. ئەڤە چەندە د دەمەكیدایە ل سالا بۆریدا ئامارێن گەشتیاران ل دۆر پێزانینێن وەزارەتا گەشتوگوزارا هەرێما كوردستانێ شەش ملیۆن بووینە و داهاتێ گەشتیاران ژی ل سالا بۆری ژ سەدێ ٥٥ زێدەكربوو.
