هاتنە خوارا بهایێ زێڕی كوردستان ژی ڤەگرتیە
هەولێر، سولین سلێمان
هاتنە خارا بهایێ زێرێ د نۆكە دا ل بۆرسێن جیهانێ كارتێكرنەكا زۆر دروستكریە ل سەر هاتنە خارا زێری، ل كوردستانێ ژی دهێتە پێشبینی كرن هێشتا ئەو بها بهێتە خار.
حاجی مینا ئێكە ژ خودان كەڤنترین پێشەنگەها زێری ل هەولێرێ دەربارێ ڤێ چەندێ بۆ رۆژناما ئەڤرۆ گۆت: د نۆكەدا مسقالەكێ زێری عیار 21 بهایێ وێ 410 هزار دینارایە ئەگەرێ هاتنە خارا وێ ژی ئەوە كۆ ئەمریكا كار سەر بهایێ سوی دكەت ئەوژی دبیتە ئەگەرا هاتنە خارا بهایێ وێ.
خویاكر، ئەگەر توركیا باجێ ل سەر كێم بكەت، بهایێ مسقالەكا زێری دێ بیتە 400 هزار دینار و گۆت: نەجێگیریا بهایێ دولاری دیسا كارتێكرن سەر گرانن بوون و هاتنە خارا زێری كریە، چونكو هەتا نۆكە ژی بهایێ دولاری ب جێگیری نەهاتیە دانان. ئەز دبینم ئەڤ هاتنە خارا بهایێ زێری دەرفەتەكا باشە ژ بۆ هەر كچ و كورێن كۆ دخازن نۆكەدا هەڤژینێ پێكبینن ئەڤ بهایە هاتیە خار د بەرژەوەندیا وان ژی دایە.
رونیا عەزیز ئافرەتەكە وەكی ئەو دبێژێت هەر گاڤ كرین و فرۆتنا زێری دكەت دەربارێ هاتنە خارا بهایێ زێری و بۆ ئەڤرۆ گۆت: بەردەوام دەمێ بزانم زێر بهایێ وێ دهێە خار ئەز زێرا دكرم و هەر وەختێ بزانم ژی زێر گران دبیت وان زێرا دفرۆشم، ئانكو ب ڤی شێوازی من شیایە قازانجەكی بۆ خوە بكەم، چونكی هەر گاڤ زێر بهایێ وێ ناهێتە خار، ئانكو جار ب جار ئەڤ چەندە رووددەت، هندەك جار ئەم دبینین گەلەك بها گران دبیت بەروڤاژیی دبینین زۆر دهێتە خار.
ئەو چەندە ژی گۆت: ئەو ژ بۆ ماوێ چەند بوو ب بەردەوامی بهایێ زێری ب گرانی مابوو و ب تنێ ئەو چەند روژەكن كۆ بها هاتیە خار بەلكی ل روژێن داهایدا ئەڤ چەندە بهێتە گوهۆرین دیسا بهایێ زێری گران ببیت، چونكیو تشتەكێ نۆرمالە ئەڤ چەندە سەر زێریدا بهێت.
