دهۆك نەشیایە د رازیكرنا گەشتیاران دا سەركەڤتنێ بینیت
ئەمیر ئەترووشی
ئابوورناسەكی دیار كر، ل هەموو هەلكەفتان و رۆژێن ئەینی ژمارەكا زۆر یا گەشتیاران دهێنە دهۆكێ، لێ بازاڕكرن نەبیت ئەڤە ب هەدەردانا دەلیڤا كاری و بازاركرنێ یە و دهۆك نەشیایە د رازیكرنا گەشتیاران دا سەركەفتنێ بینیت و گۆت: ب هەدەردانا دەلیڤێن كاری گەشتیاران ناچاردكەت ئەو پارێ دگەل خۆ ئینای نەشێن ب مەزێخن، ئەڤجا یان دێ ل گەل خۆ زڤرینن یان ژی دێ چن ل پارێزگەهێن دی وەكو هەولێر و سلێمانیێ مەزێخن.
د. كاوە عەبدولعەزیز، تایبەتمەندێ ئابووری بۆ ئەڤرۆ نیوز دیار كر، چەندین رۆژە ب هەلكەڤتا جەژنا قوربانی ژمارەكا زۆر یا گەشتیاران سەرەدانا پارێزگەها دهوكێ و هەرێما كوردستانێ كرینە، لێ ب مخابنی ڤە دبینین بازار د داخستینە و چو مفا ژ وان گەشتیاران وەكو پێدڤی ناهێتە وەرگرتن.
زێدەتر گۆت: ژ بنەمایێن گرنگ یێن كەرتێ گەشتوگۆزارێ هەبوونا بازاڕی یە، ب مخابنیڤە دهۆك ب هەمی تشتەكی یا دەولەمەندە، لێ ژلایێ بازاركرنێ ڤە هەتا نوكە نەزانیە دێ چاوا هەمبێزا گەشتیاران كەت.
د. كاوە ئاشكراژی كر، ل هەموو هەلكەفتان و رۆژێن ئەینی ژمارەكا زۆر یا گەشتیاران دهێنە دهۆكێ، لێ بازاڕكرن نەبیت ئەڤە ب هەدەردانا دەلیڤا كاری و بازاركرنێ یە و دهۆك نەشیایە د رازیكرنا گەشتیاران دا سەركەفتنێ بینیت و گۆت: ب هەدەردانا دەلیڤێن كاری گەشتیاران ناچاردكەت ئەو پارێ دگەل خۆ ئینای نەشێن ب مەزێخن، ئەڤجا یان دێ ل گەل خۆ زڤرینن یان ژی دێ چن ل پارێزگەهێن دی وەكو هەولێر و سلێمانیێ مەزێخن.
