پار ل پارێزگەها دهۆكێ 800 هزار تەنێن گەنم و جەهی هاتبوونە چاندن
سولین سلێمان
رێڤەبەرێ گشتیێ بازرگانی و پێشەسازی رادگەهاند، ئەڤ سال جوتیاران ژ ئەو پشكا هاتیە دیاریكرن پتر گەنم بەرهەم ئینایە، ژ بەر وێ چەندێ ئەوا دمینیت حوكمەتا هەرێما كوردستانێ ب رێكەفتن دگەل چەند كۆمپانیایەكا ب بهایەكێ گونجای دێ ژێ كرن.
نەوزاد كامیل رێڤەبەرێ گشتیێ بازرگانی بۆ رۆژناما ئەڤرۆ گۆت: هەر ژ دەسپێكا وەرگرتنا گەنمێن جوتیارێن هەرێمێ هەتا نۆكە 421 هزار تەنێن گەنمی هاتیە وەرگرتن، دووماهی رێكەفت ژ بۆ وەرگرتنا گەنمێن جوتیاران تا 15ی ڤێ هەیڤێیە.
محەمەد ناجی ئێكە ژ جوتیارێن پارێزگەها دهۆكێ بۆ رۆژناما ئەڤرۆ گۆت: ئەڤ سالە جوتیارێن دهۆكێ ئەردەكێ زۆر ب گەنمی چاندیە و بەرهەمێ ئەڤ سالە ژ سالا بوری زۆر باشتر و زێدەتر بوویە.
ل سنۆرێ پارێزگەها دهۆكێ ل دۆر پێزانینێن ئەحمەد جەمیل رێڤەبەرێ گشتیێ چاندنێ هاتیە دیاركرن؛ ل وی سنۆری 800 هزار تەنێن گەنم و جەهی هاتبوونە چاندن، لێ ل پێرار ب تنێ 80 هزار تەن گەنم هاتبوونە چاندن.
بەروڤاژی جوتیارێن سنورێ گەرمیانێ گازندە هەنە وەكی جوتیارێن وێ ب خو دبێژن كۆ بەرهەمێ ئەڤ سالێ وان یێ گەنمی 143 هزار تەنە، لێ ل سایلۆیێن وێرێ ب تنێ 36 هزار تەن ژ وان جوتیاران وەرگرتینە.
رێبوار گەرمیانی كۆ ئێكە ژ جوتیارێن گەرمیانێ بۆ رۆژناما ئەڤرۆ گۆت: سوپاس بۆ خودێ بەرهەمێ ئەڤ سالە گەلەكێ باشە، لێ حوكمەتێ ب تنێ نیڤا گەنمی ژ مە كریە و نیڤا دی دمینیت، ئەم نەچارین ب زەرەر سەر مە راوەستیت.
