كۆمپیۆتەرێ خوە ب ڤان رێیان پاقژ بكە
هەكە تو سیستەمێ ویندوز یان ماك ب كار دئینی، چو پێ نەڤێت تو ل هندەك بەرنامان یان رێیان دگەریێی بۆ لەزخستنا كۆمپیۆتەری و پاقژكرنا وان ژ فایلێن بێ مفا و دەمكی و یێن ژناڤچوویی، هەموو هزر دكەن كو ئەو بەرنامە كار ل سەر ب لەزتركرنا كۆمپیۆتەری دكەن، بەلێ ب مخابنی ڤە ئەڤە یا دوورە ژ راستیێ.
گەلەك بەرنامە یێن هەین، بەلێ ئەرێ ئەڤ بەرنامە جهێ باوەریێ نە و هەژی هندێ نە د ناڤا كۆمپیۆتەرێ تە دابن؟ تە رۆژەكێ هزرا خوە د بەرنامەكی دا كریە كو رێگریێ ل وان هێرشان بكەت ئەڤێن ژ ئەنجامێ ڤان بەرنامان كۆمپیۆتەرێ تە تووش دبیت؟ تو دزانی كو ئەڤ بەرنامە دشێن هەر تشتەكێ بڤێت د ناڤا كۆمپیۆتەرێ تە دا دیلێت بكەن و تو نەشێی چ بكەی؟ یان ژی ئەڤان پێزانینان ل گەل كەسەكێ دی پاڤەكەت هەكە چەند د گرنگ و نهێنی بن؟ ب ڤێ چەندێ ژی تە خوە كریە پاریەكێ باش بۆ هندەك هاككەرێن برسی بێ كو تە ئاگەه ژ چ تشتی هەبیت، ب گرە ژ سیخوریێ ل سەر یان ڤەگوهاستنا وێنە و ڤیدیۆیا. ژ بەر هندێ ژی هەكە دێ هەر ڤان بەرناما بكارئینی شیرەتا وێ چەندێ ل تە دكەم كو بەرنامێن بێ بەرامبەر ب كار نەئینی، چونكو چو نەبیت ئەڤێن دی رێكەفتنەكا د ناڤبەرا هەوە دا هەی كو بەرپرسە بەرامبەر رەفتارێن وی بەرنامەی.
– بەرنامێن پیس یێن پاقژكرنا كۆمپیۆتەری كیشكن؟
گەلەك بەرنامێن جورا و جور یێن گرێدایی ڤی بابەتی یێن ل سەر ئەنترنێتێ هەیی، چو ب رێیا ریكلامەكێ یان هەڤالەكی یان ژی سوتفە و هەتا رێگەریانێ ژی بەر ب چاڤێن تە كەفتن بن، هەر وەكو ئەو ددەنە دیاركرن كو مەرەم پێ ب لەزكرنا كۆمپیۆتەری یە، گەلەك ژ ڤان بەرنامان ب رەنگەكی ژ رەنگان دێ تە نەچار ژی كەن بدانیە سەر كۆمپیۆتەری و ل دەمێ بزاڤێ دكەی راكەی ژی دێ گەلەك زەحمەتێ پێ ڤە بەی و هەكە ب شارەزای رانەكەن دبیت دەما دووبارە كۆمپۆتەری هەل دكەی وی بەرنامەی تێدا ببینیەڤە. ژ بەر هندێ ژی دێ نەچار بی بەر ب ڤیدیۆیێن یوتیۆبی بچی دا بزانی كیش رێ یا گۆنجای یە بۆ دیلێكرنا ڤان رەنگە بەرنامان.
– ئەو چ زیانن ئەڤ بەرنامە دگەهیننە كۆمپیۆتەری؟
چ تشتێ بێ بەرامبەر د دنیایێ دا نینە، ئەڤجا هەكە بەرنامەك كەفتە بەر چاڤێن تە و بۆ تە دیاركر كو ئەو دێ كۆمپیۆتەرێ تە پاقژ كەت و ب لەز كەت بێ بەرامبەر و بێ ریكلام، دڤێت تو بزانی تشتەك یێ د پشت را هەی ژ بەر كو هەموو كۆمپانی ل پارەی و مفای دگەرن، ژ بەر هندێ ژی شیرەتا وێ چەندێ ل تە دكەم كو ب لەز وی بەرنامەی ل سەر كۆمپۆتەرێ خوە راكەی یێ تە بێ بەرامبەر بۆ پاقژكرن و ب لەزكرنێ كریە تێدا.
بۆ نەهێلانا ڤایرۆسا و فایلێن زێدە و ب مەترسی شیرەتا وێ چەندێ ل تە دكەین كو بەرنامێ Malwarebytes ل سەر كۆمپیۆتەرێ خوە بدانی كو ماوێ 15 رۆژان وەكو تێست ددەتە تە و دێ هاریكاریا تە دكەت كۆمپیۆتەرێ تە هەموو پشكنین بكەت و فایلێن زێدە و ب مەترسی ناهێلیت.
ئەڤ بەرنامێن دی ب مەرەما مفای و پارەی یێن هاتینە چێكرن، مەرەم ژێ هاریكاری نینە و هەر ژ دەستپێكێ دێ جوداهیا لەزاتیا كۆمپیۆتەرێ خوە بینی
بلا ل بەر چاڤێن تە ژی بیت، دەما كەرەستەك یێ بێ بەرامبەر بیت و تو نەكری، بزانە تو ب خوە ئەو كەرستەی بۆ وان، لەورا باش هزرا خوە بكە.
– باشترین رێ و بەرنامە بۆ پاقژكرنا كۆمپۆتەری و ب لەزكرنا وی چنە؟
دشیان دایە ب رێیا ئەڤی بەرنامەیێ فری كۆمپۆتەرێ خوە پاقژ بكەی www.bleachbit.org/download/windows» \t «_blank و تو دشێی تایبەتمەندیێن خوە ژی ب پارێزی، ژ بەر كو ئەڤ بەرنامە ل سەر بەخشینێ كار دكەت، بەلێ ل سەر تە پێدڤیە تو ب خوە ل ئاریشێ بگەری و چارە بكەی ژ بەر كو گەلەك رێ یێن هەین دبنە ئەگەرێ خاڤبوونا سیستەمێ كۆمپیۆتەری ژ ئەگەرێ ژناڤچوونا پارچێن ناڤ كۆمپیۆتەری و هاردوێری و دێسكان و پڕبوونا وی و گەلەك ئەگەرێن دی.
ئەڤ هەموو ئەگەرە دبیت ببنە ئەگەرێ خاڤبوونا كۆمپیۆتەرێ تە و ل سەر تە پێدڤیە چارە بكەی و خوە ژ وان بەرنامێن كۆمپیۆتەری ب لەز دئێخن دوور بێخی هندی دشیان دا بیت.