ئدریس بارزانی سیاسەتمەدارەكێ گەلەك ب هێز بوو و دوبارە نابیت
دیدار، سالار محەمەد دۆسكی:
ل ژیێ دوازدە سالیێ بوویە پێشمەرگە و هەر دو شۆڕەشێن ئیلۆن و گولانێ پشكدار بوویە و دژیێ خوەیێ پێشمەرگایەتیێ دا پێنچ جاران بریندار بوویە، هەمی هیڤی و ئومێدێن وی ئەون هاریكاریا خێزان و كەس و كارێن شەهیدان بهێتەكرن.
پێشمەرگێ هەر دو شۆڕەشێن ئیلۆن و گولانێ عەبدوللا حەمید شەتیونسی یێ بەرنیاس ب عەبدوللا حەمید دۆسكی، د دیارەكێ دا ل گەل رۆژناما ئەڤرۆ گۆت: بەری شۆڕەشا ئیلۆنێ دەست پێ بكەت، هێشتا ل ژیێ دوازدە سالیێ مە فەرمانێن (شێخ ئەحمەد بارزانی) بجه دئینان ، وی دەمی تڤەنگا (سێ تیرا پێنچ تیر) من هەلگرت بوو ئانكو بتنێ(5) فیشەك دهاڤێتن وی دەمی فەرمانێن (شێخ ئەحمەد بارزانی) 100% دهاتنە بجهئینان، وەكیل هەبوون و دا فەرمان هێتەدان فلان گوندی هندە زەلامێن چەك مە دڤێن دڤیابا زێدەتر چووبانە، من (شێخ ئەحمەد) دیت بوو بەلێ ل گەل نەئاخفتی مە، و بەردەوام بووین هەتا دەسپێكا شۆڕەشا ئیلونێ 1961 و بەردەوام بووین هەتا 1975 چووینە ئیرانێ و سالا 1991 هەیڤا 10 ب فەرمانا جەنابێ (سەرۆك بارزانی) ڤەگەریاینە كوردستانێ.
هێشتا گۆت: ل سالا 1962 ل دەڤەرا برادوستیا بۆ جارا ئێكێ من (مەلا مستەفا بارزانی) دیت وی دەمی تڤەنگەكا سێ تیرە د دەستێ من دابوو و دگۆتنێ(بورانی)، وی دەمی نەباشترین تڤەنك بوو و دو مامێن من ل گەل من بوون و تڤەنگا من ژ من هەلگرت بوو، چونكە وەستیابووم و پێشمەرگە دهاتن و چوون و د ناڤبەرەكێ دا (مەلا مستەفا بارزانی) هات سلاڤ كر و گۆت توكی و كا تڤەنگا تە و من گۆتێ مامێت من بر چونكە وەستیام و سێ جاران من (مەلا مستەفا بارزانی) ل گەل ئێك ئاخفتیە و ئەو گەلەك ژ خیانەتێ عاجز دبوو.
پێشمەرگەیێ هەر دو شۆڕەشێن ئیلۆن و گولانێ گۆت: ل شۆڕەشا گولانێ ل سالا 1977 ل سەر فەرمانا خودێ ژێ رازی (ئدریس بارزانی) وەك ئامر مەفرەزە هاتمە دەست نیشانكرن، و هاتمە كوردستانێ ل (گارەی و مەتینی) و رۆلێ خەلكێ كوردستانێ ناهێـە ژبیركرن و رۆلەكێ كاریگەر هەبوو، و ژ پێشمەرگەی بهێزتر بوو ژی و رەنگە گەلەك مالان نانێ ژ دەڤێ زارۆكێن خوە ڤەكرتی و دایە پێشمەرگەی، و نەخوشیا من هەر ئەو بوو ئایا بچمە ڤێ مالێ دێ نانەك هەبیت بدەنە مە؟ جارەكێ ماینە ل سەرێ (كورەژاری) وی دەمی (حجی عەمەر شەتینسی) بەرپرسێ رێكخراوا (خال خالا نەبوو) بوو و ئەز هاریكارێ وی بووم سەر ب لقێ ئێك ڤە بوو، وی دەمی من نان بەلاڤەدكر و نان نەما بتنێ مێدەكەكا بچووك ما یا نەڤەكری و من گۆتە هەڤالێن خوە بتنێ ئەڤە مایە و نوزانم چیە؟ من ڤەكر (نانێ ب تحین، ژاژی، شەكر، توڤچا، دەرزی و دەرزیك) ئەڤێ ئافرەتێ هزرا هەمی تشتا كریە و گەلەك ب ساناهی دئێخن و دبێژن ب ساناهی شۆڕەش هاتیە نەخێر ئەڤ شۆڕەشە گەلەك بزحمەت هاتیە و ئەم ب هیڤیا ڤی مللەتی ڤە بووینە و مللەتی شۆڕەش گەهاندیە ئەڤرۆ .
پێشمەرگەیێ هەر دو شۆڕەشێن ئیلۆنێ و گولانێ گۆت: ئێكەم شەرێ پشكداربوویم ل دەڤەرا (رەواندز) بوو وی دەمی ل گەل (مەلا ئەمین) بووم و جارا ئێكێ بوو تڤەنگەكێ ب هاڤێژم وی دەمی گەلەكێ بچووك بووم من ریه و سمبێل نەبووم، ل سالا 1964 شەرێ چیایێ(كورەك) پشكداربووم وی دەمی حكومەت ل چیای بوو وی دەمی (فاخرێ میرگەسوری ) بەرپرسێ حزبا شوعی بوو، ئەو مەلا ئەمین چوونە نیك (مەلا مستەفا بارزانی) گۆتێ هەكە رێك ب مە بهێـتەدان بچینە (كورەك) دێ ژ (گەلیێ عەلی بەگ هەتا خلێفان) كەڤیتە بن كونترۆلا مە لدووف پێزانینێن من (مەلا مستەفا بارزانی)رازینەبوو و ئەوان گڤاشتن كرن بچن و گۆت مە پێزانین هەنە دلاوازن وی دەمی بوومە توپەكا (120) هاتبوو دەمێ پێشمەرگەی دیتی ئەو توپ زێدەتر مورالا وان بلند بوو ئەم نێزیكی 700 مرۆڤان بووین و زێدەتر هێزا حزبا شوعی بوو وی شەری (21) شەهید مەدان ژڤێ هژمارێ (5) پارتی بوون دو برایێن (مەلا ئەمین) بوون و (16) حزبا شوعی بوون وی شەری ئەم (35) برینداربووین و دەنگۆیێ شەری گەهشتە (مەلا مستەفا بارزانی) و گەلەك عاجزبوو و گركەكێ هنداڤ خلێفان دبێژنێ(كەپكێ قەلی) گەلەك مە بزاڤكر وەربگرین و نەشیان و ئەڤ جهێن دی مە كونترۆلكرن.
پێشمەرگەیێ هەر دو شۆڕەشێن ئیلۆن و گولانێ ئەو ژی گۆت: ل هەر دو شۆڕەشێن ئیلۆن و گولانێ دا پێنچ جاران بریندار بوویمە و گەلەك جاران د ناڤبەرا من و مرنێ دا هەر چ نەمابوو، سالا 1974ێ شەرێ(گورەزێ) شەرەكێ مەزن بوو ئێڤاری هەتا رۆژا دی سپێدێ بەردەوام بوو و هەڤالا گۆت حكومەتێ رەبیە بەردا و من گۆتێ نە بەردایە هەمیا گۆتن بەردا و ئەم 18 زەلام چووینە رەبیێ و گەهشتین ئەو رابوون و ئێك ئینا سەرێ مە یا مەنەدیتی و گەلەك تەنگاڤ بووین و هەر چ ئومێدێن قورتال بوونێ مە نەمان و ئەم ماینە دناڤ لەشكرێ عیراقێ دا و سیلاڤەكا مەزن وێرێ بوو و مە بریار دا خوە دسیلاڤێ دا ب هاڤێژین و خو رادەستی حكومەتێ نەكەین و من گۆت ئێكەم كەس ئەز دێ خوە دسیلاڤێ دا هاڤێژم و خو رادەستی حوكمەتێ ناكەین و خالەكا مە ل سەری هەبوو دو ڕەشاش برنوو تێدابوون و مە گازیكرێ بەرەڤانیێ ژ مەبكەن ئەم هاتینە دەستەسەركرن، ئەو رەشاش بڕنوو یا هاڤێتێ و مە ژی بزاڤكرن حكومەت هاتە بێ دەنگكرن و حسێن سوری ل گەل مەبوو خەلكێ سوریێ بوو و بریندار بوو و هەڤالێن مە هەلگرت و قورتالكرن و ئەم دەربازبووین، گەلەك جاران كەفتیمە نەخوشیان لێ جارەكا دی ژی گەلەك تەنگاڤ ب بووم.
ل سالا 1991ێ ل سەرسنگ وی دەمی شەر بوو ل باگێرا هەتا سیارەتیكا (عەبدولعزیز تەیب) هاتە دەف مە گۆت بروسكا سەرۆكی یە و دڤێت بزاڤەكێ بكەین ل سیارەتیكا و ئەم كومەكا پێشمەرگەی بووین و مە خوە بەرهەفكر و دا تێشتێ خوەین، وی جهی نوكە بێژنێ جادا شەهیدان و پێشتر دگۆتنێ جادا صەدام حوكمەت هاتە ئێنشكێ و رێك گرت و (7) فرۆك هاتن و هەڤالێن مە گەلەك ماینە دژیانێ دا و دزانن ئەم چەند تەنگاڤ بووین.
