كارگەها بەرهەمئینانا تەماتێ ل سێمێلێ هاتە ڤەكرن
ئەمیر ئەترووشی:
ئێك ژ پرۆژێن ستراتیجی یێن وەبەرهێنانێ ل پارێزگەها دهۆكێ كۆ كارگەهەكا بەرهەمئینانا مەعجینا تەماتێ یە هاتە ڤەكرن. رێڤەبەرێ گشتی یێ چاندنێ ل پارێزگەها دهۆكێ ژی دیار كر، پڕۆژە پێكدهێت ژ كارگەها ئاڤا باجانكا، مڕەبا، ساس، شەربەت، مایونێز و شتلگەهەكێ و 350 دۆنەمێن ئەردی بۆ بەرهەمئینانا باجانكان هاتینە تەرخانكرن.
ئەحمەد جەمیل، رێڤەبەرێ گشتی یێ چاندنێ ل پارێزگەها دهۆكێ بۆ ئەڤرۆ دیار كر: «كارگەها چەم یا بەرهەمئینانا مەعجینا تەماتێ ل سێمێلێ پرۆژەیەكێ ستراتیژی یێ وەبەرهێنانێ یە ل پارێزگەها دهۆكێ و ب فەرمی ئەڤ كارگەهە هاتە ڤەكرن و ل سالا بهێت دێ بەرهەمێ جۆتیاران ژی وەرگریت و گۆت ژی: «پڕۆژە پێك دهێت ژ كارگەها ئاڤا باجانكا، مڕەبا، ساس، شەربەت، مایونێز و شتلگەهەكێ و 350 دۆنەمێن ئەردی بۆ بەرهەمئینانا باجانكان هاتینە تەرخانكرن».
رێڤەبەرێ گشتی یێ چاندنێ ل پارێزگەها دهۆكێ دووپات ژی كر: «ئەڤ كارگەهـە دكەڤیتە قەزا سێمێلێ ل كۆمەڵگەها گرێگەورێ، نوكە قۆناغا ئێكێ ژێ كو بەرهەمئینانا تەماتێیە دەست پێ كرییە و رۆژانە ٦٠ تەنێن باجانكان وەردگریت و هەتا ١٤ تەنێن تەماتێ ژی بەرهەم دئینیت و دێ ل پاشەڕۆژێ هەتا ٥٠٠ تەنێن تەماتان باجانكا وەرگریت».
رێڤەبەرێ گشتی یێ چاندنێ ل پارێزگەها دهۆكێ ئەو چەندە ژی دیار كر: «قودیكا بەرهەمی ٤٠٠ و ٨٠٠ گرامی بەردەستە، نوكە ٦٠ كرێكار ل ڤێ كارگەهێ كار دكەن و ل پلاندایە ل پاشەڕۆژێ دێ بنە نێزیكی ١٢٠ كرێكاران، كارگەهـ یا ئامادەیە د پاشەڕۆژێدا هەماهەنگیێ دگەل جۆتیاران بكەت و ل سالا بهێت دێ فێقی ژی ژ جۆتیاران وەرگریت».
ئەحمەد جەمیل، رێڤەبەرێ گشتی یێ چاندنا پارێزگەها دهۆكێ ئاماژە ب هندێ ژی دا: «سەرمایێ پڕۆژەی پێنج ملیۆن دۆلارن و وەبەرهێنەرێ ڤی پرۆژەی خۆمالییە و ئەڤ كارگەهـە ل سەر رووبەرێ ٦٢ هزار و ٥٠٠ مەترین دووجا هاتییە ئاڤاكرن و دێ خزمەتەكا باش پێشكێشی دەڤەرێ و جۆتیاران كەتن».
