ڕاگرتنا نەفتێ ب كوژمێ پێنچ ملیار دۆلاران زیان ب بودجەیا ئیراقێ گەهاندینە
دووڤچوون:
پەرلەمانتارەكی راگەهاند، ئەو پرۆژە یاسایێ نەفت و غازێ یێ ژلایێ وەزارەتا نەفتا عیراقێ ڤە هاتییە بەرهەڤكرن نەیێ باشە و گۆت: هەر ژ 25 ی ئادارا 2023 ێ هەتا نوكە نەفتا هەرێما كوردستانێ هاتییە راوەستاندن، ڤێ ژی پتر ژ 4 ملیار و 800 ملیۆن دۆلاران زیان گەهشتییە بودجەیا گشتی ل عیراقێ.
د. سەباح سوبحی، ئەندامێ لژنا نەفت و غازێ ل پەرلەمانێ عێراقێ دیار كر، پرۆژە یاسایێ نەفت و غازێ ئەوێ ژ لایێ حوكمەتا عیراقێ ڤە هاتییە بەرهەڤ كرن نەیێ باشە” د گەلەك برگێن وی پرۆژە یاسایی دا” مەركەزییەت تێدا هەیە” ب تایبەتی د وارێن دەرخستن و هەلكولانا بیرێن نەفتێ دا” لەوما مە پێدڤی ب پرۆژەكێ باشتر هەیە” هەروەسا حوكمەتا هەرێما كوردستانێ ژی بۆچوون و پیشنیارێن خۆ ل سەر پرۆژە یاسایێ نەفت و غازێ هەنە”.
زێدەتر گۆت: دیسان حوكمەتا هەرێمێ بزاڤان دكەت ” پرۆژەك بهێتە دانان ب هەماهەنگی ل گەل حوكمەتا عیراقێ بیت و ل دووڤ وان مافێن دەستووری بن” ئەوێن د مادێن (111_112) یێن دناڤا دەستوورێ عێراقێ دا هەیین” دیسان ئەم هەموو بزاڤان دكەین” كو ئەو پرۆژێ دهێتە بەرهەڤ كرن” یێ باش بیت” دەمێ دهێتە پەرلەمانی ژی ئاریشان بۆ مە دروست نەكەت.
ناڤهاتی گۆت ژی: ئەڤ یاسایە گەلەك یاسایەكێ حەساسە و د هەمان دەمدا” چارەنڤیسا مە ژی وەكو كورد دێ دیار كەت” لەوما مە پێدڤی ب دەمەكێ درێژ هەیە” هەتاكو بشێین یاسایەكێ گۆنجایی و باش دەربیخین و چ ئاریشان ژی بۆ مە دروست نەكەت” چونكی ئەڤ یاسایە دێ رێكخستنێ ئێخیتە هەیكەلێ ئابووری یێ عیراقێ” دیسان دڤێت حوكمەتا عیراقێ ژی هەڤكارییا حوكمەتا هەرێمێ بكەت” چونكی ب هەڤكارییا هەردو حوكمەتان ئەڤ یاسایە ب رەنگەكێ باش و سەركەفتی دێ هێتە بجهئینان.
د. سەباح سوبحی دبێژیت ژی: هەر ژ 25 ی ئادارا 2023 ێ هەتا نوكە نەفتا هەرێما كوردستانێ هاتییە راوەستاندن” ئەڤێ ژی پتر ژ 4 ملیار و 800 ملیۆن دۆلاران زیان گەهشتییە بودجەیا گشتی ل عیراقێ” د هەمان دەمدا شاندەكێ عیراقێ سەرەدانا توركیا كرییە” بۆ هندێ كو جارەكا دی نەفتا هەرێمێ ب ڕێیا توركیا بۆ دەرڤە بهێتە هنارتن” ل گەل هندێ ژی شاندەكێ توركیا ب سەرۆكاتییا وەزیرێ دەرڤە یێ توركیا هاتییە عێراقێ و هەرێما كوردستانێ” ب مەرەما هنارتنا نەفتا هەرێمێ” دیسان توركیا شەش مەرج داناینە بۆ دەستپێکرنا هنارتنا نەفتا هەرێما کوردستانێ و کەرکووکێ ب رێیا بەندەرێ جەیهان یێ توركی.
