رێڤەبەرێ ناوچەداریا دەركارێ هاتە گوهۆڕین
زاخۆ، عەلی حاجی:
د بەردەوامیا گوهۆڕینان دا ل سنوورێ ئیدارەیا سەربخوە یا زاخۆ دا، جەهوەر محەمەد، وەكو رێڤەبەرێ نوو یێ ناوچەداریا دەركارێ ل جهێ دلشێر عەبدولستار دەست ب كاربوو.
مشیر محەمەد، دەڤەردارێ زاخۆ گۆت: «گوهۆڕینێن رێڤەبەران ل سنوورێ دەڤەرداریا زاخۆ دێ د بەردەوام بن و ئەڤە ژی تشتەكێ سروشتی یە و ئارمانج ژ گوهۆڕینان ئەوە؛ باشتر خزمەتا وەلاتیان بهێتە كرن، دلشێر عەبدولستار د ماوەیێ بۆری دا شیا بوو خزمەتەكا باش یا وەلاتیێن ڤێ ناوچەداریێ بكەت، جەهوەر محەمەد، گەنجەكێ نوویە و من باوەریەكا باش ب شیانێن وی هەیە، كو بشێت خزمەتەكا ژ هەژی پێشكێشی خەلكێ ناوچەداریا دەركارێ بكەت و ئەم دێ پشتەڤانیەكا باش ژی لێكەین پێخەمەتی هندێ كو بشێت باشتر خزمەتا وەلاتیان بكەت».
