کارگەهێن ناڤخۆیی یێن چێکرنا دووشەكا هەڤرکیا بەرهەمێ دەرڤە دکەن
هەرهین محەمەد:
خودانێ كارگەهەكا چێكرن دووشەكێن ناڤخۆیی ل پارێزگەها دهۆكێ دیار كر، ئەو كارمەندێن ل كارگەها من كاردكەت پتریا وان دەرچووینە و نەهاتینە دامەزراندن و نوكە ل كارگەها من كاردكەن و ڤێ چەندێ ژی رێژا بێكاریێ دێ كێم بیت و گۆت: پێدڤیە چاڤدێریا بازرگانی سەرەدانا ڤان كارگەهان بكەن و هەكە دوشەكێن وان نە ل ئاست بن، وەكو وان نیشانداین بهێنە سزادان، چونكو گەلەك كارگەه هەنە دوشەكان چێدكەن و نە د ساخلەمن و ب تنێ ل سەر كاغەزێ چێكریە.
بەرەڤان حەسەن عەلی، خودانێ كارگەها (N.B) یا چێكرنا هەموو جۆرێن دوشەكا گۆت: دوشەكێن سپرنگی و ئیسفەنجی و یێن ساخلەم هەنە، ئەم 12 جۆران دروست دكەین و ئەڤ دوشەكە ژی ب شێوەكێ زانستی و تەندرۆستی دهێنە چێكرن و دچنە د بازارێ دهۆكێ دا، ئانكو بازارێ ناڤخۆیێ هەرێمێ و ژ دەرڤەی هەرێمێ و بۆ وان دهێتە هنارتن ل دووڤ داخازیا وان كا ئەو چەند و چ جۆر داخاز كریە و مە هەماهەنگییەك ل گەل وەلاتێ سوریێ كریە.
زێدەتر گۆت: دوشەكێن مە ژی ب دەستێن كەسێن شارەزا و گەنجێن باژێرێ مە دهێنە دروستكرن و ب تنێ كارمەندەكێ بیانی یە، ئەز گەلەك گرنگیێ ددەمە كارمەندێ نافخۆ، ژ بەر كو ب راستی و ب دروستی كاردكەن و هەكە ئێك بێژیت كارمەندێن ناڤخۆ كارناكەت ژ دل، ڤێ چەندێ ب نەوەی ددانم و هەكە خودانی وی جهی گرنگیێ بدەتە كارمەندی ژلایێ مادی و مەعنەوی ڤە و كارمەند كارەكێ زێدەبكەت، یان هزرەكا نوو بكەت د كاری دا، دڤێت وی كارمەندی خەلات بكەت، ل وی دەمی ئەو كارمەندە دێ پتر كاركەت و گرنگیێ ب كارێ خوە دەت.
خودانێ كارگەهێ ئەو یەك ژی دیار كر، ئەو كارمەندێن ل كارگەها من كاردكەت پتریا وان دەرچووینە و نەهاتینە دامەزراندن و نوكە ل كارگەها من كاردكەن و ڤێ چەندێ ژی رێژا بێكاریێ دێ كێم بیت هەكە هەموو جهێن مە وەكو ئوتێل و موتێل و كارگەه و خوارنگەه گرنگیێ ب گەنجێ مە بدەن و بدەنە كاری ل وی دەمی رێژا بێكاریێ ژی دێ كێم بیت.
بەرەڤانی ئەو چەندە ژی گۆت: هەتا نوكە چاڤدێرییا بازرگانی ل سەر كارگەهان نینە و دێ گەلەك كەیف خوەش بم چاڤدێرییا بازرگانی سەرەدانا مە بكەت، كا ئەرێ كارێ مە یێ چەوانە و كا ئەم ل دووڤ رێنمایێن ساخلەمی كاردكەین، یان نە، چونكو ئەم كارگەهەكا نافخویی نە و مە دڤێت ئابوورێ خوە پێشئێخین و ئەڤە ژی دڤێت بەرهەمێن خوە یێن نافخویی باش بكەین و نوكە گەلەك كارگەهێن دوشەكان د بازاری دا هەنە، بەلێ ب دروستی ئەم دو كارگەهێن مەزن كاردكەین.
خویاژی كر، ئەو كارگەهێن دی دوشەكان چێدكەن نە ل دووڤ سیستەمێن زانستی و ساخلەمی و هەكە چاڤدێرییا بازرگانی ڤان سەرەدانان بكەت بۆ سەر كارگەهان و دێ زانن كا ئەو بەرهەمەیێ باشە بۆ نافخۆیی، یان نە و هەكە یێ باش بیت دێ خەلك ژی فێربیت و كریت، بەلێ نوكە دەمێ خەلكێ مە دچیتە پێشانگەهەكێ و پرسیارا بهایێ دوشەكا بكەن و هەكە بزانن ئەو دوشەكە ژ بەرهەمێ نافخویی یە دبیت نەكرن و دیسان چاڤدیری ل سەر وان بەرهەمان ژی بیت ئەوێن ژ دەرڤەی وەلاتی دهێن، چونكو ئەو دوشەكێن دهێن ئەگەر پشكنین بكەین ژناڤدا هەموو ئەو كەرەستێن بكێر نەهێن ئەو كرینە تێدا و ب تنێ ب سەر ڤە جوان كرینە.
خودانێ كارگەها (N.B) یا چێكرنا هەموو جۆرێن دوشەكا خواست چاڤدێریا بازرگانی سەرەدانا ڤان كارگەهان بكەن و هەكە دوشەكێن وان نە ل ئاست بن، وەكو ئەوان نیشانداین بهێنە سزادان، چونكو گەلەك كارگەه هەنە دوشەكان چێدكەن و نە د ساخلەمن و ب تنێ ل سەر كاغەزێ چێكریە، ئەڤ دوشەكە (پزیشكی) یە و ب رێزا یا ساخلەم دفرۆسن و دەمێ كەسەك دهێت پرسیارا دوشەكێن من دكەت ب شانازی ڤە د بێژمێ دوشەكێن مە ژ بەرهەمێ مە یێ خومالی نە و ئەم دروست دكەین و دەمێ دفرۆشم ژی دوشەكێن مە ب گەرەنتی نە.
ناڤهاتی زێدەتر گۆت: خەلك وەكو بەرێ حەز ژ دوشەكان دكەن و داخوازدكەن، بەلێ یا پێدڤییە وێ رەوشەنبیریێ ل دەڤ خەلكی دروست بكەین و بزانن دێ ل سەر كیژ دوشەكێ نڤیت و ب كارئینت و وان ژی ساخلەتێن خوە هەنە.
