بەرهەمێ سێڤێن كوردستانێ ژ بۆ دەرڤە دێ هێنە هنارتن
سولین سلێمان:
بەرهەمێ سێڤێن كوردستانێ پێگەهشتینە و ل دۆر پێزانینێن رێڤەبەرێ راگەهاندنا وەزارەتا چاندن و ژێدەرێن ئاڤێ ل هەرێما كوردستانێ، بەرهەمێ سێڤێن كوردی ژ بۆ دەرڤەی وەلاتی دێ هێنە هنارتن. ”حوكمەتا هەرێما كوردستانێ بریار دایە سێڤێن هەرێما كوردستانێ ب تایبەت یێن ئورمیێ و دەڤەرا بەرواری باڵا ژ بۆ دەرڤە بهنێریت، چونكو ل وێ پارێزگەهێ د ئەڤ سالە دا زێدەتری سێ هزار تەن سێڤ بەرهەم هاتینە.
هیوا عەلی رێڤەبەرێ راگەهاندنا وەزاروتا چاندنێ و ژێدەرێن ئاڤێ بۆ رۆژناما ئەڤرۆ گۆت” وەكی پێشبینی دهێتە كرن بەرهەمێن سێڤێن ئەڤ سالە ل پارێزگەها ئورمیێ بگەهیتە زێدەتری ملیونەك و 200 هزار تەنان و ئەڤە هەیڤەكە ژێڤەكرنا سێڤان ل وێ پارێزگەهێ دەستپێكریە و هەتا دو هەیڤێن دی ژی دێ یا بەردەوام بیت.
خویا كر ”پارێزگەها ئورمیێ خودان باخێ سێڤێن زۆر و پتری سەدێ 50 پێكدئینیت، چونكی سەقایێ وێ پارێزگەهێ ژ بۆ بەرهەمهاتنا سێڤان یێ گونجایە. ئاشكرا ژی كر ”بریارە پشتی تمابوونا وان ژ بۆ دەرڤەی وەلاتی بهێنە هنارتن.
ئاماژەكر ”ژبلی پارێزگەها ئورمیێ پارێزگەها دهۆك ژی بەرهەمێ وێی ئەڤ سالە یێ سێڤان زۆر یێ باشبوو، ب تایبەتی ل بەرواری باڵا كۆ د نۆكە دا د وەرزێ خۆ یێ پێگەهشتنێدانە، دیسا ژی د بازاران دا ژی هەنە.
بەرهەم محەمەدی جوتیارە و خەلكێ پارێزگەها ئورمێیە و باخێ سێڤێن وی گەلەك مەزنە وەكی ئەو دبێژیت: بەرهەمێ وی گەلەك باشە و پاقژە و بۆ رۆژاناما ئەڤرۆ گۆت ”سوپاس ژ بۆ خۆدێ كۆ بەرهەمێ مە یێ ئەڤ سالە گەلەك یێ باشە، ژبلی كۆ مە نۆكە دا ئەو سێڤێن خۆ ل بازارندا دانایە ژ بۆ فرۆتنێ و پێشوازیەكا باش لێ هاتیە كرن و ژ حوكمەتێ د خوازین هاریكار بن و وان بەرهەمێن مە ژ بۆ دەرڤە ژی بهنێریت و رێ نەدەن بەرهەمێن سێڤا ژ دەرڤەی وەلاتی بهێنە دناڤا كوردستانێ دا، چونكی سێڤێن مە ژبلی كۆ تاما وێ یا خوشە گەلەك جوان و پاقژن ژی.
