دژە تیرۆرا دھۆکێ ھاتە راگەھاندن
ئەڤرۆ نیوز، چەکدار ئەترووشی:
پشتی ل پارێزگەھێن سلێمانی و ھەولێر و کەرکوکێ ھێزا دژە تیرۆرێ ھاتیە پێکئینان، ل دھۆکێ ژی ھەمان ھێز ھاتە راگەھاندن.
ل دۆر ئەڤێ چەندێ عەقید ئەحمەد گەلی رۆمانی فەرماندێ ھێزا دژە تیرۆر تایبەت بۆ ئەڤرۆ نیوز دیارکر کو ل سەر فەرمانا راوێژکارێ ئاژانسا پاراستنا ھەرێمێ ئەڤ بڕیارە ھاتە دان و گۆت: “پشتی ھێرشێن ڤێ دووماھیێ یێن ھێزا دەست وەشین ھاتینە ئەنجامدان و ب فەرمانا راوێژکارێ ئاژانسا پاراستنا ھەرێمێ کوردستانێ مەسرۆر بارزانی ھێزا مە وەکو ھێزا دژە تیرۆر ل پارێزگەھا دھۆکێ ھاتە پێک ئینان”.
عەقید ئەحمەد ئەو چەندە ژی دیارکر کو دی ھێزا وان سەر ب ئاژانسا پاراستنا ھەرێمێ ڤە بیت و گۆت: “ئەڤ ھێزا دێ ژ لیوایەکێ پێک ھێت و بۆ ھەر جھەکێ پێدڤی دی کار پێھێتە کرن”.
درێژیا بابەتی د دیدارەکا تایبەت دا ل ڤان نێزیکان د www.evronews.net دا ب خوونن…
