بەرهەمێ سالانە یێ فستەقان ل ئاكری دگەهیتە 300 هزار كیلۆیان
رەمەزان زەكەریا
باغدارێن دەڤەرا ئاكرێ چەند سالە دەست ب چاندن و بەرهەمئینانا باشترین جۆرێ فستەقا كریە و خواستەكا باش ل سەر بەرهەمی هەیە، بەرهەمێ دەڤەرێ ژی ل ناڤخۆیا كوردستانێ و پارێزگەهێن عیراقێ دهێتە فرۆتن.
محەمەد عەبدوللا، باغدارەكێ دەڤەرا ئاكرێیە بۆ ئەڤرۆ گۆت: دەمێ چەندین سالایە مە دەست ب چاندن و بەرهەمئینانا بەرهەمێ فستەقا كریە و ئەنجامەكێ باش هەبوویە، ژ بەر كو دەڤەرێن مە گەلەك گونجایینە بۆ چاندنا بەرهەمێ فستەقان، نوكە دەمێ كۆمكرنا بەرهەمێ فستەقا و ئەڤ سالەیە و بەرهەم زۆرێ باشە و بەرهەم ل نافخۆیا دەڤەرێ دهێتە فرۆتن و دهێتە رەوانەكرن بۆ پارێزگەهێن هەرێما كوردستانێ و عیراقێ، ل دەڤەرێ دو جۆر دهێنە چاندن كو ژ باشترین جۆرانە.
فازل مستەفا، رێڤەبەرێ چاندنا ئاكرێ بۆ ئەڤرۆ گۆت: ل دەڤەرا ئاكرێ چەند سالە باغدار و جوتیارا دەست ب چاندنا بەرهەمێ فستەقا كریە و بەرهەمەكێ زۆر باش هەیە ژلایێ ئابووری ژی ڤە بهایەكێ باش هەیە و خواستەكا باش ل سەر بەرهەمی هەیە ل نافخۆیا كوردستانێ.
ناڤبری گۆت ژی: بەرهەمێ فستەقێ كەش و هەوایەكێ باش دڤێت كەش و هەوایێ دەڤەرێ زۆرێ باشە نەخاسمە دەڤەرێن چیایی گەلەك ب ساناهیتر دهێتە بەرهەمەئینان بهایەكێ باش ل دەڤەرێ هەیە، 35 هزار و 400 بنەدارێن فستەقا هەنە و سالانە بەرهەمێ وێ دگەهیتە 3٠0 هزار كیلۆیان.
