هنارێن زاخۆ بۆ دەرڤەی وەلاتی هاتنە هنارتن
زنار تۆڤی:
هنارێن زاخۆ و هەلەبجە بۆ فرەنسا و بریتانیا هاتنە هنارتن و د قووناغا ئێكێ دا 100 تەن ب رێیا دەرگەهێ سنووریێ ئیبراهیم خەلیل دی هێنە هنارتن، د قووناغێن دووڤ دا هزار تەنێن هناران بۆ وان هەردو وەلاتان دێ هێنە هنارتن.
سەلمان محەمەد، رێڤەبەرێ گشتیێ چاندنێ ل ئیدارا سەربخوە یا زاخۆ بۆ رۆژناما ئەڤرۆ گۆت: «ب هاریكاریا نڤێسینگەها مەسرور بارزانی، سەرۆكێ حوكمەتا هەرێما كوردستانێ، هنارێن هەلەبجە و زاخۆ بۆ هەردو وەلاتێن فرەنسا و بریتانیا دێ هێنە هنارتن».
ناڤهاتی گۆت ژی: «ل رۆژا چارشەمبیا بۆری 8/11/2023، 40 تەنێن هنارێن زاخۆ و هەلەبجە ب رێیا دەرگەهێ سنووریێ ئیبراهیم خەلیل بۆ هەردو وەلاتێن فرەنسا و بریتانیا هاتنە هنارتن و ل رۆژێن بهێن ژی هنار دێ بۆ وان هەردو وەلاتان هێنە هنارتن».
