مێرخاس دۆسكی: ئارمانجا مە سەرێ لیستا كۆما خوە مسۆگەر بكەین
ستێرێ هەلبژارتیێ ئیراقێ و یاریزانێ ڕەڤەندا كورد ل یانەیا سلۆڤاكۆ یا چیكی مێرخاس غازی دوسكی دیار كر پلانا ئەڤ سالە یا هەلبژارتیێ ئیراقێ ئەوە ب گەهیتە مۆندیالا 2026ێ، شەڕێ مە دگەل ئەندۆنیزیا دەستپێكرییە و دێ بەردەوامبین هەتا دووماهی چڕە سەرباری ئەركێ مە ب سانەهی نابیت.
زێدەتر مێرخاس دوسكی د كۆنگرەیەكێ رۆژنامەڤانی دا گۆت: پێخوەشحالم وەكو یاریزانەكێ كورد پشكداری ڤاڤارتنێن مۆندیالا جیهانی بم دگەل هەلبژارتیێ ئیراقێ، هەستێ من ناهێتە ڤەگۆتن دگەل هەڤالێن خوە شیاینە ئاست و ئاست باش بینن، یاری ل ئەردێ ئیراقێ پێنگاڤەكا دیرۆكی یە تایبەت بەرانبەر جەماوەرەكێ مەزن و وەفادار، ئارمانجا مە یا سەرەكی سەركەفتنن پێخەمەت سەرێ لیستێ مسۆگەر كەین و پلێتا دەربازبوونێ بۆ مۆندیالا 2026ێ ب دەستڤە بینن.
هەروەسان ناڤهاتی گۆت: هەرچەندە دبیت هەر یارییەكێ دا ئەوێ ئاستێ بلند بەردەوام نەبیت ژبەركو د تەپا پێی دا خەلەتی ژی یێن هەین، لێ بزاڤێ دكەین چارەسەربن و كێمترین خەلەتی هەبن و سەرەدەریێ دكەل هەر هەڤڕكەكا خوە ل دووڤ رێنما و پلانێن كادرێ راهێنانێ یارییان بكەین و ئەركێ خوە بجه بینن.
