ب گوژمێ پتری پێنج ملیار دیناران وەستگەهەكا كارەبێ ل ئەلقۆش دێ هێتە دانان
ئەڤرۆ، سالار محەمەد دۆسكی:
ئەندامەكا پەرلەمانێ ئیراقێ ژ فراكسیۆنا پارتی دیموكراتی كوردستان ئاشكرا كر كو رازیبوونا دانانا وەستگەهەكا كارەبێ بۆ ئەلقوش وەرگرتیە و ب گوژمێ پێنج ملیار دیناران دێ هێتە بجهئینان.
كاڤین شێخ سەعید، ئەنداما پەرلەمانێ ئیراقێ ژ فراكسیۆنا پارتی دیموكراتی كوردستان بۆ رۆژناما ئەڤرۆ گۆت: “پشتی چەندین بزاڤان ئەم شیاین رازیبوونێ بۆ دانانا وەستگەهەكا كارەبێ ل ئەلقوش ب دەستخوە ڤە بینین و گوژمێ پێنج ملیار و 500 ملیۆن دینارێن ئیراقی بۆ هاتینە تەرخانكرن”.
هەمان ئەنداما پەرلەمانێ ئیراقێ ئەو ژی دیار كر كو وەستگەها پێشتر ل دەڤەرێ هاتیە دانان چەندین سالە ژ كاركەفتی و دەڤەرێ پێدڤی ب وەستگەهەكا دی هەیە و گۆت: “مە رازیبوون ل سەر وەرگرتیە و ئەم ب هیڤی نە د نێزیكترین دەم دا بهێتە بجهئینان.
