ل ئاكرێ پتری 155 هزار دۆنەمێن ئەردی دێ ب گەنمی هێنە چاندن
رەمەزان زەكەریا
ل سنوورێ دەڤەرداریا ئاكرێ ژبەر رێژا باران بارینا پێدڤی، جوتیاران رووبەرەكێ مەزن یێ ئەردێ دەڤەرێ بۆ چاندنا گەنمی كێلایە و گەنم چاندیە. ل گۆر ئامارەكا رێڤەبەریا چاندنا ئاكرێ، ل سالا بۆری 123 هزار دۆنەمێن ئەردی هاتبوون چاندن ب گەنمی و پێشبینی دهێتە كرن رێژا چاندنێ بۆ 155 هزار دۆنەمێن ئەردی زێدە ببیت.
مەروان ئیسماعیل، جوتیارەكێ دەڤەرا ئاكرێیە و گەنم چاندیە بۆ ئەڤرۆ گۆت: ئەڤ سالە رێژەكا باش باران باریە و بەرهەمێ گەنمی گەلەك یێ باشە، ئەگەر چ نەخۆشی تووشی گەنمی نەبن دێ بەرهەم گەلەك یێ باش بیت، ئەڤ سالە دوجاركی پار من گەنم چاند.
ئەندازیار فازل مستەفا، رێڤەبەرێ چاندنا ئاكرێ بۆ ئەڤرۆ گۆت: دەمێ چەندین سالایە جوتیار ب رێژەكا باش گەنمی دچینن و ئەڤ سالە بەهرا پێدڤیا گەنمی باران بارینە، بەلێ ئەگەر ل هەیڤا سێ 100 ملم باران ببارن دێ بەرهەمێ گەنمی گەلەك باشتر بیت، ژ بەر كو رێژا بارانبارین باش بوویە بۆ گەنمی، بەلێ هێشتا باران پێدڤیە.
ناڤبری گۆتژی: دەڤەرا ئاكرێ گەلەك یا تایبەتە بۆ كەرتێ چاندنێ و بەرهەمەكێ گەلەك باش دهێتە بەرهەمئینان چاندنا جۆراو جۆر.
ل گۆر ئامارەكا رێڤەبەریا چاندنا ئاكرێ: ل سالا بۆری 123 هزار دۆنەمێن ئەردی هاتبوون چاندن ب گەنمی و پێشبینی دهێتە كرن رێژا چاندنێ بۆ 155 هزار دۆنەمێن ئەردی زێدە ببیت.
