ترومبێلێن ئاگر ڤەمراندنێ ل هەولێرێ دهێنە چێكرن
هەولێر، هەرهین محەمەد:
كۆمپانیەكا ناڤخۆ ل پارێزگەها هەولێرێ دەست ب چێكرنا یرومبێلێن ئاگر ڤەمراندنێ كریە و ل سەرانسەری ئیراقێ ئێكەمین كۆمپانیە ژ بۆ چێكرنا ڤان جۆرە ترومبێلان و دیزاینا ڤان ترومبێلان د دەمێ 50 رۆژاندا دهێتە چێكرن و دهێنە پشكنین ژلایێ پەیمانگەهەكا بەرگریا شارستانی یا ب سەر ب وەزارەتا نافخۆ ڤە.
مەریوان فایق كەریم، خودانێ كومپانیا چرای دو سەرە ل هەولێرێ بۆ رۆژناما ئەڤرۆ گۆت: ئەڤە بۆ دەمەكە كومپانیا مە رابوویە ب چێكرنا ترومبێلێن ئاگر ڤەمرانێ بۆ كەرتێ تایبەت و حكومی، هەر دیسان هەكە داخاز ژ مە بهێتە كرن دشێن بفرۆشینە دەرڤەی وەلاتی ژی و ئەڤ ترومبێلە ب دیزاینا نوو یا برێتانی و نەمساوی هاتینە چێكرن ل سەر ستاندەرێن جیهانی.
زێدەتر گۆت: ئەڤ ترومبێلە گەلەك د پێشكەفتی و ژ وان پێشكەفتیترن ئەوێن نوكە ل رێڤەبەریێن بەرەڤانیا باژێری كار پێ دكەن و نوكە ئەم د هایدارین ل گەل ئەنجومەنێ وەزیران و وان داخازكریە مە نموونە بۆ وان هنارتینە و ئەم ل هیڤیا بەرسڤا وانین. كارمەندێن مە ژی هەموو یێن نافخویی نە و نە یێن بیانی نە و كارمەندێن مە ب خوە دیزاینا وان ترومبێلان دانایە و ل دووڤ داخوازیان هاتینە چێكرن.
خودانێ كومپانیا چرای دو سەرە ل هەولێرێ ئەو یەك ژی دیار كر، مە هنارتینە بۆ خواریا عیراقێ و نوكە بەرگێریا شارستانیا بەغدا داخواز ژ مە كریە سەرەدانا مە بكەن و گرێبەستەكێ چێكەن و ترومبێلەكێ تێست بكەن و پاشی داخواز بكەن كا وان چەند دڤێن و ل گەل ترومبێلێن ئاگر ڤەمراندنێ مە سلەم ژی هەنە و داخوازی ل سەر وان ژی هەبوویە و مە هنارتینە، هەر جهەكێ داخواز بكەت و پێدڤی بیت هەر گوهۆرینەكا وان دڤێت ئەم تێدا دكەین و هەتا نوكە بەرگێریا شارستانیا دهۆكێ داخاز نەكریە و هەكە داخاز بكەن كا وان چ دیزاین دڤێت ئەم د ئامادەینە و دێ خۆشحالبین بۆ وان ژی كار و خزمەتێ بكەین.
ناڤهاتی گۆتژی: ل سەرانسەری ئیراقێ ئەم یێن ئێكێینە ژ بۆ چێكرنا ڤان جۆرە ترومبێلان و من گولێ نەبوویە چ كومپانیێن دی هەبن ڤان ترومبێلان دروست بكەن و ئەڤ ترومبێلە د دەمێ 50 رۆژاندا دیزاینا وان دهێتە چێكرن و دشێین بێژین ب دووماهی دهێن و ئەڤ ترومبێلە دهێنە پشكنین ژلایێ پەیمانگەهەكا بەرگریا شارستانی یا ب سەر ب وەزارەتا نافخویی و ئەو د شارەزانە و خول وەرگرتینە ل بریتانیا و ئەو دهێن تێست دكەن و كوالێتیا وان تاقی دكەن و ژ نوو ئەم تابلویێ ب ترومبێلێ ڤە د هەلاویسین.
