هێكا كەلاندی یان قەلاندی باشترە؟
بەرپەرێ ساخلەمیێ:
هێك ئێك ژ خوارنێن سەرەكی یە كو هەموو ماددەیێن خۆراكی تێدانە، ئێك هێكێ نێزیكی ٧٢ كالۆری و ٦ گرامێن پرۆتین و ٥ گرامێن چەوریێن ساخلەم ب خۆڤەدگریت.
دەربارەی ئامادەكرنا هێكێ گەلەك پرسیار دهێنەكرن كو ئەرێ هێكا كەلاندی باشترە یان هێكا قەلاندی؟
ڕاپورتەك ژلایێ ڕۆژناما “ Times of India” بەلاڤكریە، رونكرنەكا هویر یا ڤی بابەتی بەرچاڤ دكەت كو دێ هاریكاربیت بۆ دیاریكرنا ئەوێ چەندێ كیش ب مفاترە بۆ ساخلەمییێ.
هێك ژێدەرەكێ تەمام یێ پڕۆتینی یە، كو هاریكاریا چاككرن و گەشەكرنا ماسولكان دكەت، هێكێ ڤیتامین D و B12 یێن تێدا كو بۆ بەرهەمئینانا هێزێ و ساخلەمیا گشتی دپێدڤینە، هاریكارە بۆ گەشەیا مەژی، هەروەسا دژە ئۆكسێنەرێن ناڤ هێكێ مفای ب ساخلەمیا چاڤی دگەهینن، ئەڤەژی مەترسیێن تێكچوونا چاڤی ژ ئەگەرێ عەمری كێمدكەت.
خوارنا هێكێ ب شێوەیەكێ مامناوەند كاریگەرییەكا خراپ ل سەر ساخلەمیا دلی نینە، چەوریێن ساخلەم ب خۆڤە دگریت و دشێت هاریكاریا بلندكرنا ئاستێ كۆلیسترۆلێ باش بدەت.
هێكا كەلاندی نێزیكی ٧٨ كالۆری تێدانە، هەڤسەنگیەكا باش یا پرۆتین و چەوری و ڤیتامین و كانزایێن سەرەكی دابین دكەت، كەلاندنا هێكێ پتریا ماددەیێن خۆراكی یێن ناڤ هێكێ دپارێزیت، ئەڤەژی وەدكەت ببییتە بژاردەیەكا گونجای بۆ دانەكێ ب لەز و ساخلەم.
هێكا قەلاندی هەرچەندە تامەكا خۆش هەیە، بەلێ ڕێژەكا بلند یا پرۆتینی تێدایە ژ ئەگەرێ زێدەكرنا پێكهاتێن دیتر دگەلدا، كالۆری و چەوریێن نەساخلەم ژی تێدانە، ب تایبەتی ئەگەر ب پیچەكا ڕۆینی یان زەیتێ بهێتە قەلاندن.
هێكا كەلاندی پتریا مفایێن سروشتیی یێن خۆ دپارێزیت، چونكو بێ چەوری و پێكهاتێن زێدە دهێتە كەلاندن، پرۆسا كەلاندنا پڕۆتین و ماددەیێن خۆراكی یێن هێكێ دپارێزیت، ئەڤەژی وەدكەت ببیتە هەلبژاردەكا ساخلەم و كێمترین كالۆری تێدایە، ل لایەكێ دیتر، هێكا كەلاندی دەولەمەندترە ب پرۆتین و ماددەیێن خۆراكی زێدەترە ژ ئەگەرێ ئەو پێكهاتێن كو ل گەل یا قەلاندی، بەلێ كالۆری و چەوریێن تیر زێدەتر تێدانە ژ ئەگەرێ ئەو زەیتا پێ دهێتە قەلاندن.
