29 هزار فەرمانبەر د حوكمەتا هەرێما كورستانێ دا گرێبەستن
ئەمیر ئەترووشی:
وەزارەتا دارایی و ئابووریا حوكمەتا هەرێما كوردستانێ، دەست ب نووكرنا گرێبەستێن فەرمانبەران بۆ سالا دارایا 2024ێ كر، بەرپرسەكێ دارایی زێدەتر گۆت: نێزیكێ 29 هزار فەرمانبەرێن گرێبەست ل سازیێن حوكمەتا هەرێما كورستانێ دەوامێ دكەن. رێڤەبەرەكێ گشتی ل وەزارەتا دارایی راگەهاند: «وەزارەتا دارایی گرێبەستا فەرمانبەرێن گرێبەست نوی دكەت و نڤیسارا نویكرنێ ژی ددەتە فەرمانگەهان.»
ل دووڤ وان زانیاری و بەلگەیێن ل وەزارەتا دارایی دەست رۆژنامەیا ئەڤرۆ كەفتین، ل سەر بریارا حوكمەتا هەرێما كوردستانێ، وەزارەتا دارایی دەست ب دەركرنا فەرمانا نووكرنا گرێبەستێن كارمەندێن گرێبەست ل سازیێن حوكمەتا هەرێما كوردستانێ كریە. نووكرنا گرێبەستێن وان فەرمانبەران دێ بۆ دەمێ ئێك سال بیت، ژ 1ێ1ێ2024 هەتا 31ێ12ێ2024، مەرجێ نووكرنا گرێبەستێن وان ژی ئەوە، چ مووچەیێن دی نەبن و ل دەوامكرنێ ژی د بەردەوام بن.
ژێدەرەكێ ژ وەزارەتا دارایی بۆ رۆژنامەیا ئەڤرۆ راگەهاند: «فەرمانا نووكرنا گرێبەستان بۆ زۆربەی وەزارەت و فەرمانگەهان هاتیە هنارتن. ل دووڤ نڤیسارەكا وەزارەتا دارایی: «نووكرنا گرێبەستان دێ ب وی مەرجی بیت، چ مووچەیێن دی نەبن و بەردەوام بن ل سەر كارێ خۆ».
زێدەتر گۆت: نێزیكێ 29 هزار فەرمانبەرێن گرێبەست ل سازیێن حوكمەتا هەرێما كورستانێ دەوامێ دكەن. رێڤەبەرەكێ گشتی ل وەزارەتا دارایی راگەهاند: «وەزارەتا دارایی گرێبەستا فەرمانبەرێن گرێبەست نوو دكەت و نڤیسارا نووكرنێ ژی ددەتە فەرمانگەهان.»
بەرپرسێ وەزارەتا دارایی ئەو ژی دیار كر: «رێنمایەكێ جێگیر ژ وەزارەتا دارایی بۆ نووكرنا گرێبەستان هەیە، پشت ب یاسایێ بەستیە، دڤێت فەرمانا دامەزراندنێ ب گرێبەستێ هەبیت، نابیت چ مووچەیێن دی ژی هەبن و دڤێت بەردەوام بیت لسەر كاركرنێ، ب ڤان مەرجان گرێبەست هاتنە نووكرن و پاشێ دێ بۆ فەرمانگەهان ژی ب فەرمانا وەزاری و كارگێڕی دەركەڤیت.»
زەلال ژی كر، وەكی فەرمانبەرێن هەمیشەیی، ماف و خزمەتا فەرمانبەرێن گرێبەست ژی ژلایێ حوكمەتا هەرێما كوردستانێ یا پاراستیە.
