پەرتووكا من هاریكاریا گەنجان كرییە بشێن بزنسێن بچووك بكەن
سولین سلێمان
نڤیسەرەكێ پارێزگەها سلێمانیێ دیار كر، ل ساڵا 2022 من كتێبا (لە سفرەوە) بەڵاڤكر، ئەو كتێب ب گشتی بەحسا دامەزراندن و رێڤەبرنا پرۆژان دكەت، گۆت ژی؛ ئەڤ كتێبە گەلەك هاریكاریا گەنجان كریە دا بشێن بزنس و پرۆژێن بچووك تایبەت بۆ خۆ برێڤە ببەن.
ئارام قەرەداغی ئەو گەنجی خودان شیان خودان باوەرناما بەكالۆریۆسە د رێڤەبرنا پرۆژێ كۆلێژا بازرگانی ل زانكۆیا سلێمانیێ، د دیدارەكێدا بۆ رۆژناما ئەڤرۆ لاپەرێ گەنجان گۆت: پشتی من ئەو كتێبە بەڵاڤكری، من هزركر پێدڤیە د چەند لایەنەكێن دن ژی خزمەتا گەنجان بكەم، پشتی هینگی من بریار دا پرۆژێ (دكتۆر ماركێتینگ) دامەزرینم، ئەو ژی ستافەكێ راوێژكارییە ژ چەند گەنجان پێكدهێت د پیاڤێ ماركێتینگ و فروشتن و رێڤەبرنا پرۆژە و هەڤكاریا گەنجان خودان بزنسان دكەت.
گۆت ژی: ئارمانجا مە د ڤی پرۆژەیدا هاریكاریا گەنجان ژ بۆ باشتر رێڤەبرنا بزنسێن خۆ و پرۆژێن تایبەت ب خۆ هەبیت و بكەینە ژێدەرەكێ داهاتی بۆ وان خێزانێن وان.
ئاشكراژی كر، پلانێن مە ژ بۆ داهاتی ئەون دێ بزاڤێ كەین ستافێ مە د گەل چەند ستافێن دی ل هەموو باژارێن كوردستانێ خزمەتێ بكەین هاریكاریا پتریا گەنجان بكەین دا كو بشێن بزنسێن خۆ پێشبێخن.
گۆتژی: پەیاما من ژ بۆ گەنجان ئەوە هەر كارەكی بكەن ئارمانجەكا مەزن ژ بۆ دانن، ب بچووكی نە سەحكەنە پرۆژێن خۆ، بەلكو ب ئارمانج و ب خەونێن مەزن د كارێن خۆ دا ب نەرینن و بزاڤەكا زۆر دگەل بدەن و هیچ رەوشەك وانا سار نەكەت ژ بۆ گەهشتن ب ئارمانجێن وان سەركەفتنێن وان.
