20 رۆژ بۆ نووكرنا كارتا دەنگدانێ هاتینە دەستنیشانكرن
د چارچوڤێ ئامادەكرنا هەلبژارتنێن پەرلەمانێ كوردستانێ دا كۆمسیۆنا هەلبژارتنێن ئیراقێ داخواز
ژ نڤیسینگەهێن هەلبژارتنێن سلێمانی و دهۆك و هەولێرێ كربوو ل 1/2/2024 دەست ب نووكرنا كارتا دەنگدانێ بهێتە كرن و ئەڤ پرۆسە دی بۆ دەمێ 20 ڕۆژان یا بەردەوام بیت.
سەگڤان حەسەن رەشید، ژ ڕاگەهاندنا نڤیسینگەها كۆمسیۆنا هەلبژارتنێن پارێزگەها دهۆكێ ڕاگەهاند، ل دهۆكێ 41 بنگەهێن دەنگدانێ هەنە و ژ دەمژمێر 8:00 سپێدێ هەتا دەمژمێر 3:00 ئێڤاری دێ بنگەهـ دڤەكریبن و پێشوازیا وەلاتیان كەن.
هەروەسا دیا ژی كر، ژ دایكبوویێن سالا 30/5/2006 دشێن كارتا دەنگدانێ دروست بكەن و مافێ دەنگدانێ هەیە و ژ دایكبوویێن سالا 1/6/2006 مافێ دروستكرنا كارتا دەنگدانێ هەیە، بەلێ مافێ دەنگدانێ نینە.
