ل دهۆكێ بازاڕەكێ تایبەت ب شەڤێن رەمەزانا پیرۆز ڤە دێ هێتە ڤەكرن
بڕیارە ل رۆژا ئێكێ یا مەها رەمەزانا پیرۆز بازاڕەكێ تایبەت ب شەڤێن رەمەزانێ ڤە ل مەیدانا ژ دەرڤەی فاملی مول ل دهۆكێ بهێتە ڤەكرن و وەكو دیار ژی 11/3/2024 رۆژا ئێكێ یا مەها رەمەزانێ یە.
بازاڕێ شەڤێن رەمەزانێ ژ ٦٠ جهان دێ پێكهێت و ئەو كەسێن پشكداری ڤی بازاڕی دبن، مەرجێ سەرەكی دڤێت كەلوپەلێن وان گەلەك د ئەرزان بن.
دیسا د وی بازاڕی دا ستێجەك دێ هێتە دانان ل دەمێ ڤەكرنا بازاڕی و هەتا بازاڕ دهێتە گرتن سروود و گۆتنێن گرێدای ب ئاینی ڤە دێ هێنە گوتن.
هەروەسا ئەو كەسێن دوور بن و نەشێن بهێنە بازاڕی دێ پاسێن تایبەت بۆ هێنە دابینكرن بۆ ئینان و برنا وەلاتیان.
