ل دێرەلۆكێ هۆلەكا تازیان هاتە ڤەكرن

ئامێدیێ، مەحمود نهێلی:

پشتی هۆلا تازیان یا مزگەفتا رەشاڤە ل سەنتەرێ ناوچەداریا دێرەلۆكێ‌ ژ لایێ رێكخراوا فانۆس و ب هەڤكاریا خێرخواز و حوكمەتا هەرێما كوردستانێ هاتیە نووژەنكرن، د رێورەسمەكی دا و ب بەرهەڤبوونا بەرەڤان حەمدی، بەرپرسێ لقێ 18 یێ پارتی و وارشین سەلمان، دەڤەردارێ ئامێدیێ و هەژمارەكا بەرپرسێن حكومی و حزبی و خەلكێ دەڤەرێ هاتە ڤەكرن و هەر دوهی ئێكەم بەهی ژی تێدا هاتە دانان.
هەلگۆر قەهار، بەر‌پرسێ رێكخراوا فانۆس بۆ رۆژناما ئەڤرۆ دیار كر، ئەڤ كارە یێ هەڤپشكە د ناڤبەرا خەلكێ دەڤەرێ و دام و دەزگەهێن حكومی و حزبی دا و ب رەنگەكی باش و رێكوپێك هاتیە دروستكرن و گۆت: «ژ بەر كو ئەڤ دەڤەرە یا بێ هۆلا تازیان بوو، ئەو هۆلا هەی ژی یا بێ سەروبەر بوو، جهێ روونشتنێ نەبوو، ئاڤاهی ژی یێ‌ باش نەبوو و گۆت: «ئەم شیاین ڤێ هۆلێ هەم هەتا رادەیەكی بەرفرەهـ بكەین، هەم ژی نووژەن و ب سەروبەر بكەین، سوپاس بۆ خودێ و سوپاس بۆ هەر كەس و لایەنەكێ هاریكار بووین د گەل مە دا».

کۆمێنتا تە