نێزیكی 62% ژ خەلكێ جیهانێ تۆڕێن سوشیال میدیایێ بكار دئینن
نزیكی 62.5% ژ خەلكێ جیهانێ پلاتفۆرمێن سۆشیال میدیایێ بكاردئینن و فەیسبووك ل رێزا ئێكێ ل گۆرەی ژمارەیا بكارهینەران دهێت.
لێكۆلینەكا نوی ئاماژەیێ ب وێ چەندێ دكەت كو پتر ژ 5 ملیار كەسان ل جیهانێ ئالاڤێن سۆشیال میدیایێ بكاردئینن كو دبنە نزیكی 62.5% ژ خەلكێ جیهانێ و فەیسبووك ل رێزا ئێكێ ل گۆرەی ژمارەیا بكارهینەران دهێت.
راپۆرتەكا ژ لایێ كۆمپانیا مێلت وتەر و ئاژانسا وی ئار سۆشال ڤە هاتیە بەرهەڤكرن و تێدا پشتبەستن ل سەر داتایێن كۆمپانیا كێپیۆس یا شیرەتكاریێن دیجیتال هاتیە كرن ئاشكرا كریە كو ژمارەیا بكارهینەرێن پلاتفۆرمێن سوشیال میدیایێ د سالا بۆری دا ب رێژەیا 5.6% زێدەبوویە ل دەمەكێ ژمارەیا ئاكنجیێن جیهانێ ب رێژەیا 0.9% د وێ سالێ دا زێده ببوون.
دیار ژی كریە «پلاتفۆرما فەیسبووكی یا كۆمپانیا مێتا پترین ژمارەیا بكارهینەران هەبوو كو گەهشتبوو 2.19 ملیار كەسان، هەروەسا ئینستاگرام ل رێزا دوێ ب 1.65 ملیار بكارهینەران و تیك تۆك ل رێزا سیێ ب 1.56 ملیار بكارهینەران هاتن».
