ب گوژمێ پتری دو ملیار دیناران رێكێن ناڤخوەیی ل ئاكرێ دهێنە قێرکرن
ئاكرێ، رەمەزان زەكەریا:
د ناڤ سەنتەرێ دەڤەرداریا ئاكرێ دا هەژمارەكا رێكێن ناڤخوەیی یێن تاخ و گەرەكێن ئاكرێ دهێنە قێركرن و كۆنكریتكرن.
بلند رەزا، سەرۆكێ باژێرڤانیا ئاكرێ بۆ ئەڤرۆ گۆت: «ل سەر بودجەیا گەشەپێدانا پارێزگەها دهۆكێ ب گوژمێ دو ملیار و 145 ملیۆن دیناران، هەژمارەكا رێكێن ناڤخوەیی ل سنوورێ باژێرڤانیا ئاكرێ دهێنە قێركرن و كۆنكریتكرن».
ناڤبری گۆتژی: «د چارچوڤێ قێركرن و كۆنكریتكرنا رێكێن ناڤخۆیی دا، جاددەیا تاخێ شەڤیلكا نوو، جاددەیا 11ی ئەیلۆلێ ل نێزیك دەواجنێ و جاددەیا قوتابخانا پیكەسەر و هەژمارەكا جاددەیێن تاخێن نوو ل ئاكرێ دهێنە قێركرن و كۆنكریتكرن».
سەرۆكێ باژێرڤانیا ئاكرێ خویا ژی كر، ل دەسپێكا ڤی پڕۆژەی كار ل سەر كۆنكریتكرنا جاددەیێن تاخێ شەڤیلكا ب درێژاهیا 475 متران و ب پانیا شەش متران ب رەنگەكێ ئەندازیاری و رێكوپێك دهێتە كۆنكریتكرن.
