ب گوژمێ پێنج ملیار دیناران پڕۆژەیێن خزمەتگوزاری ل شێخان دێ هێنە بجهئینان
سەرۆكێ باژێرڤانیا شێخان دیار كر ئەڤ سالە ب گوژمێ پێنج ملیار دیناران پڕۆژەیێن خزمەتگوزاری ل دەڤەرداریا شێخان دێ هێنە بجهئینان، ب تایبەتی ژی د وارێ چێكرنا جاددەیان دا.
خالد نەرمۆ، سەرۆكێ باژێرڤانیا شێخان راگەهاند، پلان هاتیە دانان ئەڤ سالە ب گوژمێ پێنج ملیار دیناران پڕۆژە ل دەڤەرداریا شێخان، ب تایبەتی ژی د وارێ باژێرڤانیێ دا بهێنە بجهئێنان و گۆت: «د سالا بۆری دا گەلەك جاددەیێن گرنگ ل شێخان هاتینە چێكرن و قێركرن، دیسا جۆتسایدێ دەرگەهێ شێخان ژی بەرەڤ پەرستگەها لالش هاتیە چێكرن كارەكێ باش د وارێ خزمەتگوزاریان دا ل شێخان هاتیە كرن».
ناڤهاتی گۆتژی: «حوكمەتا هەرێما كوردستانێ گەلەك گرنگیێ ب دەڤەرا شێخان ددەت، د وارێ بجهئینانا پڕۆژەیێن خزمەتگوزاری دا، نوكە ل شێخان گریبەستەك هاتیە چێكرن بۆ راكرنا گلێشی بۆ دەمێ چەند سالان و بەردەوام شێخان دهێتە پاقژكرن و پڕۆژە لێ دهێنە بجهئینان».
