ڤان كەرستەیان نەهێلە د سەرشوویێ ڤە
هندەك كەس پشكەك ژ كەلوپەلێن خوە دداننە دسەرشوویێ ڤە و هزردكەن جهەكێ گونجایە، بەلێ بەرۆڤاژی سەرشوو جهەكێ باش نینە بۆ هەلگرتنا پشكەك ژ كەلوپەلان، هەكە هەتا نوكە تە ئەو پێدڤیێن خوە ل وێرێ هەلگرتبن، باشترە دووربێخی.
-1 سابوونا ب كارنەهاتی، رێژەیەكا زۆر ل شهێ ب خوەڤە دگریت، ئەڤەژی وەدكەت نەرم ببیت و پیس ببیت، باشترە ب تنێ ئەو سابوون ل وێرێ بهێنە دانان یێن دهێنە ب كارئینان.
-2 خاولیێن تەڕ، دانانا خاولیێن تەڕ د سەرشوویێ ڤە و ژ ئەگەرێ بلندیا رێژا شەهێ وەدكەت كەڕو ل سەر دروست ببن.
-3 بەرهەمێن جوانكاریێ، كەرەستەیێن ماكیاژ و جوانكاریێ دڤێت ل جهێن هشك بهێنە هەلگرتن نە ل جهێن شهدار، هەروەسا دڤێت پلا گەرمیێ یا ناڤنجی بیت، ئەگەر نە دێ تێكچن و زیان بۆ پیستی دێ هەبن.
-4 بۆیاغا نینۆكان، ب بوورینا دەمی و ژ ئەگەرێ شهداریا جهی تێكدچن.
-5 شەفرێن ریهتڕاشینێ، ئەگەرن بۆ وێ چەندێ رێژەیەكا زۆر ژ بەكتریا ل سەر گەشە بكەن و تووشی هەودانا پیستی ببی.
-6 ئێكسسوارات، رەنگێن وان دهێنە گۆهورین و تەیسینا خوە ژ دەست ددەن، پێدڤیە ل جهەكێ هشك بهێنە هەلگرتن.
-7 بێهنخۆشكەر، ل جهێن گەرم و شهدار تێكدچن و بێهنا وان وەكو خوە نامینیت.
