زانکۆیا نۆلج ب هەلکەفتا ڕۆژا زمانێ دایکێ پانێلەک بۆ د. سالار ئوسمان سازکر
کۆلێژا زانستی ل زانکۆیا نۆلج دوهی ٢٥/٢/٢٠٢٤ پانێلەک بۆ د.سالار ئوسمان ئەکادیمیست و مامۆستایێ زانکۆیێ ب ناڤونیشانێ (ل ڕۆژا زمانێ دایکێ چاوا خزمەتا زمانێ کوردی بکەین) ب پشکداریا کەسانێن بسپۆر و ئەکادیمی سازکر.
د. سالار ئوسمان د پانێلی دا سوپاسیا زانکۆیا نۆلج کر بۆ ئەنجامدانا ڤی پانێلی و گەنگەشەکرن ل سەر بابەت و پس و مژارەکا گرنگ، کو پرسا زمانییە، ب تایبەت بۆ کوردان، بۆ نەتەوەیەکێ بێ دەولەتێ گەف ل سەر هەین.
د. سالار گۆت: (دەمێ ئەم باس ل زمانێ دایکێ دکەین، ئەم ب تنێ باس ل زمانێ کوردی ناکەین، بەلکو باس ل زمانێ هەموو وان نەتەوان دکەین، یێن ل کوردستانێ دژین، دیسا ئێک ژ پێناسێن هەبوونا تە زمانە، ژ بۆ هندێ تە هەبوونەکا باش هەبیت، دڤێت تە زمانەکێ باش هەبیت).
