سروشتێ سیستەمێ خوارنێ ژ كەسەكی بۆ ئێكی جودایە
بەرپەرێ ساخلەمیێ:
ژ بۆ زانینا سیستەمێ خوارنا ساخلەم پێدڤیە ل دووڤ سێگوشەیا خوارنێ بچین و سێگوشە ژی یا پێكهاتیە ژ كومەكا خوارنێن سەرەكی كو پێدڤیە هەر كەسەك پێگیریێ پێ بكەت، سێگوشەیا خوارنێ بەرێ مە ددەتە وێ چەندێ كا دێ چەند خوارنێ خووین و دیسان كومێن سەرەكی یێن خوارنێ پێكهاتینە ژ كوما گوشتی و شیری و بەرهەمێن وی و زەرزەواتی و فێقی و نشایێ.
كوما نشایێ هەیە وەكو ( برنج و نان و كەلیك و مەعكەرونا) كو بنیاتێ هەرەمی پێك دئینن و هەرەمێ خوارنێ دبێژیت پێدڤیە رۆژانە 6-11 قورچا وان خوارنا بخوین كو هەر جارەك یا پێكهاتی بیت ژ چارێكەكا نانی و 31 گرامێن كەلیكا و نیڤ كوپێ دانكێن هووركری یان برنجی و مەعەكەرونا و موكا نشایێ ب ژیدەرەكێ گرنگێ هێزێ و ڤیتامین و كانزایان بۆ لەشی دهێتە نیاسین.
كوما زەرزەواتان ژی پێدڤیە رۆژانە 305 جارا بخوین و هەر جارەكێ نیڤ كوپێ زەرزەواتێن ب بەلگ یێن خاڤ و نیڤ كوپێ دی زەرزەواتێن كەلاندی بخوین و ئەڤ كومە ڤیتامینا بۆ لەشی دابین دكەت و ژێدەرەكێ گرنگیێ رووشالانە.
كوما سیێ ژی كوما فێقی یە كو پێدڤیە رۆژانە 3-4 جارا بخوین و هەر جارەك یا پێكهاتی بیت ژ سێڤەكا ناڤنجی یان پرتەقالەك یان موزەك یانژی نیڤ گوپێ شەربەتا سروشتی یا ڤان فێقیان.
كوما چوارێ یا گوشتی یە كو پێدڤیە 2-3 جارا بخوین و هەر جارەكێ هێكەكێ یان 60 گرامێن گوشتی یان ماسیێ و مریشكێ، باشترە گوشتێ بێ روین بهێتە خوارن و چەرمێ مریشكێ بهێتە ژێڤەكرن و گەلەك زەركا هێكێ ژی نەخوین ژبەركە گەلەك كولیسترول دناڤدا هەیە و هەردەم باشترە گوشتێ سپی وەكو یێ مریشكا و ماسیان بخوین و ئەڤ كومە پرۆتین و ڤیتامین و ئاسنی و زنكی ددەتە لەشێ مرۆڤی.
كوما دووماهیێ یا شیری و بەرهەمێن وی یە كو باشترە رۆژانە 203 جاران بهێتە خوارن و هەر جارەك یا پێكهاتی بیت ژ كوپەكێ شیری یان ماستی و باشترە یێن كێم روین بن و ئەڤ كومە ژێدەرەكێ گرنگێ پروتینا و كانزایانە.
