پێشبینی دهێتەكرن ئەڤ سالە بەرهەمێ پتاتان بگەهیتە نێزیكی 400 هزار تەنان
ڕێڤەبەرێ گشتی یێ چاندنێ ل پارێزگەها دهۆكێ ڕاگەهاند، وەرزێ چاندنا پتاتان ل سنوورێ پارێزگەها دهۆكێ دەستپێكرییە، بۆ ئەڤ سالە ل 33 هزار دۆنەمێن ئەردی پتات هاتینە چاندن.
ئەحمەد جەمیل، ڕێڤەبەرێ چاندنا دهۆكێ د داخویانیەكا ڕۆژنامەڤانی دا دیار كر، ل سنوورێ پارێزگەها دهۆكێ دەست ب چاندنا پتاتان هاتیە كرن، نوكە ل هەموو دەڤەران پتات دهێنە چاندن و گۆت: «ئەم پێشبینی دكەین، ئەڤ سالە ل سەرانسەری دهۆكێ ل 33 هزار دۆنەمێن ئەردی پتات بهێنە چاندن».
ڕێڤەبەرێ چاندنا دهۆكێ گۆتژی: «ئەم پێشبینی دكەین بەرهەمێ پتاتان ل وان 33 هزار دۆنەمان بگەهیتە 397 هزار تەنان، ئەو ژی ژ ئەگەرێ گرنگیدانا حوكمەتا هەرێما كوردستانێیە ب كەرتێ چاندنێ و بەرهەمێن چاندنێ یێن هەرێمێ سال بۆ سالێ بەرەڤ زێدەبوونێ دچن».
