حوكمەتا هەرێمێ ئەڤ سالە دێ سەرپەرشتیا نەورۆزا ئاكرێ كەت
ئاكرێ، رەمەزان زەكەریا:
بریارە ئەڤ سالە جودا ژ سالێن بۆری كەرنەڤالێ نەورۆزا ئاكرێ ژ لایێ حوكمەتا هەرێما كوردستانێ ڤە ب ئاهەنگ و چالاكیێن مەزن بهێتە گێڕان.
ئەڤ پێنگاڤا حوكمەتێ هۆكارەكە بۆ باشتر بەفرەهبوونا كار و چالاكیێن نەورۆزێ ل ئاكرێ، هەتا كوببیتە سەدەم هەژمارەكا زۆرتر یا گەشتیاران سەردانا ئاكرێ بكەن.
حوكمەتا هەرێما كوردستانێ دام و دەزگەهێن خوە ئاگەهداركرینە ل سەر ئاستێ بلند و ب فەرمی حوكمەت دێ پشكداری كەرنەڤالێ نەورۆزێ و چالاكیێن وێ دا ل ئاكرێ كەت.
بۆ ئەڤ سالە پێنج گروپێن خۆبەخش بەرهەڤی كرینە بۆ نەورۆزا ئاكرێ، بڕیارە پتری پێنج هزار خەتیرێن ئاگری ل سەر كەلا ئاكرێ بهێنە بلندكرن.
ب رەنگەكێ بەرفرەه و بەردەوام كار ل سەر بەفرەهكرنا سەرێ گری دهێتە كرن، كو ئاهەنگێن نەورۆزێ تێدا بهێنە كرن، ژ بلی ڤێ چەندێ، ئەڤ سالە دێ گەرەكێن كەڤنارێن ئاكرێ و قشلا ئاكرێ هێنە رۆهنكرن.
