د. سالار عوسمان پێشوازی ل شاندەكێ كۆمەلە و ڕێكخراوێن بیانی كر
د. سالار عوسمان، بەرپرسێ پشكا رەوشەنبیری و راگەهاندنا پارتی دیموكراتی كوردستان دوهی 3/3/2024 پێشوازی ل (شەش) كۆمەلە و ڕێكخراوێن جودا یێن بیانی كر، كو پێكهاتبوون ژ د. هێمن عومەر محەمەد، سەرۆكێ كۆمەلەیا دۆستایەتیا كوردستان ئەلمانیا، د. نەجیب ئەلسەعیدی، سەرۆكێ سەندیكا نۆشدارێن عەرەبی ل ئەلمانیا، ئەحمەد حەجاج، سەرۆكێ كۆمەلەیا ئەلرەحمە ل ئەلمانیا، محەمەد ئیقبال، سەرۆكێ كۆمەلەیا عەرەبی سووریا، یەحیا ملك، جێگرێ سەرۆكێ كۆمەلەیا رەڤەندا كوردی، محەمەد سەلام، نوونەرێ كۆمەلەیا كوردی ل فۆلفسبۆرگ و شێخ موس عەبدوللا، جێگرێ سەرۆكێ رەڤەندا كوردی.
ئامانج ژ هاتنا شاندی بۆ هەرێما كوردستانێ ئەنجامدانا چەندین كار و چالاكیانە د بیاڤێن جودا دا و دیتنا كلتور و ئەزموونا هەرێما كوردستانێ یە.
د. سالار عوسمان، بخێرهاتنا وان كر و هیڤی ژی خواستن، كو سەردانا كۆمەلە و ڕێكخراوان بۆ هەرێما كوردستانێ پتر بیت، بۆ هندێ دیتنا هەرێما كوردستانێ بۆ ئاشتی و پێكەڤەژیانا نەتەوەیان ژ نێزیكەڤە ببینن، ل دووماهیێ هیڤیا سەركەفتنێ بۆ شاندی خواست.
