كار ل سەر 24 پڕۆژەیێن شوونواری ل پارێزگەها دهۆكێ دهێتە كرن
دهۆك، لەزگین جۆقی:
د. بێكەس بریفكانی، رێڤەبەرێ شوونوار و كەلەپوورێن پارێزگەها دهۆكێ دیار كر، كار ل سەر هەلكۆلین و بجهئینانا 24 پڕۆژەیێن شوونواری ل پارێزگەها دهۆكێ دهێتە كرن و دبێژیت: ئەڤ پڕۆژە ژ لایێ حكومەتێ و زانكۆیان و ڕێكخراوانڤە دهێنە بجهئینان.
د. بێكەس بریفكانی بۆ رۆژناما ئەڤرۆ گۆت: «ئەو پڕۆژەیێن دهێنە نووژەنكرن 12 پڕۆژەنە، هندەك ژ وان ل سەنتەرێ دهۆكێ نە و هندەك ژی ل دەڤەرداریا ئامێدیێ نە و هندەك ژی ل دەڤەرداریا شیخانن».
ناڤهاتی گۆتژی: «كارێ هەلكۆلینێ د 12 پڕۆژەیان دا دهێتە كرن، ئەڤ پرۆژە دكەڤنە سنوورێ دەڤەرداریێن بەردەڕەش و ئاكرێ و شێخان و سێمێلێ و قەزا شێخان گرێ ئێتیتێ ل سەنتەرێ پارێزگەها دهۆكێ».
