ئەمریكا: كۆمپانیا ئەپل قورغكاریێ د مۆبایلێن خوە دا دكەت
سكالایەك ل سەر كۆمپانیا ئەپل ل ئەمریكا هاتە تۆماركرن و تێدا سكالاكەران ئەپل ب وێ چەندێ تۆمەتباركرینە كو ئەو بازارێ موبایلان قۆرخ دكەت و ب زەحمەت دئێخیت بكارهینەرێن ئایفۆنان دەستبەرداری وی جۆرێ موبایلان ببن و جۆرێن دی بكاربینن.
سكالا ژ لایێ وەزارەتا داد یا ئەمریكی هەروەسا ژمارەیەكا ویلایەتێن ئەمریكی ب جودا جودا ل سەر كۆمپانیا ئەپل هاتیە تۆماركرن.
ل گۆرەی سكالاكەران «كۆمپانیا ئەپل ب ملیاران دۆلار مەزاختینە دا كو وە ل بكارهینەرێن ئایفۆنان بكەت كو نەشێن ب ساناهی دەستبەردانێ ژ بكارئینانا ئایفۆنان بكەن و موبایلێن ژ جۆرێن دی بكاربینن».
سكالاكەر ئاماژەیێ ب وێ چەندێ دكەن كو هندەك كار و رەفتارێن ئەپل بووینە ئەگەرێ قۆرخكرنا بازارێ موبایلان.
پشتی ڤی نووچەی، بهایێ پشكێن كۆمپانیا ئەپل رۆژا پێنجشەمبیێ ب رێژەیا 3.75% دابەزی.
