دیدارێن ئاگرین یێن ئیراقێ د كۆما ئه‌رجه‌نتینێ دا
پشتی ب ده‌ستڤه ئینانا رێزا سێیێ ل سه‌ر ئاستێ قاره‌مانیا كۆپا ئاسیا یا فوتبۆلێ بۆ هه‌لبژارتیێن ئۆلمپی كێمتر 23 سالی، هه‌لبژارتیێ ئیراقێ ده‌ربازبوو ئۆلمپیادا پاریس 2024ێ ئه‌وا دێ ل24ێ تیرمه‌ها بهێت ل فره‌نسا هێته كرن، پشتی شیایی د یارییا ده‌ستنیشانكرنا رێزا سێیێ ب سه‌ركه‌ڤیت ل سه‌ر هه‌لبژارتیێ ئه‌ندونیزیا ب2-1 پشتی درێژكرنا ده‌مێ زێده‌كری یێ یاریێ ئه‌وا هه‌ڤڕكیێن وان ل قه‌ته‌ر هاتینه كرن تێدا هه‌لبژارتیێ چاپان بوو قاره‌مان و ئۆزپاكستان رێزا دویێ هات و هه‌ر سێ هه‌لبژارتی بۆ ئۆلمپیادا پاریس 2024ێ پشكداربن، د ئۆلمپیادا پاریس دا 16 هه‌لبژارتی پشكداربن، ئیراق دێ د كۆما چارێ دا به‌رانبه‌ر هه‌ر ئێك ژ هه‌لبژارتیێن ئه‌رجه‌نتین، مه‌غرب و ئۆكرانیا یاریێ كه‌ت.
بۆ زانین ئۆلمپیا ئیراقێ ل سالا 2014ێ ناسناڤێ كۆپا ئاسیا ب ده‌ستخوه‌ڤه ئینابوو، پێنج جاران ده‌ربازبوویه ئۆلمپیادا جیهانی ل سالێن 1980ێ مۆسكۆ، 1984 لۆس ئه‌نگلۆس، 1988 سیئول، 2004ێ ئه‌سینا، 2016ێ ریۆدی جانیرۆ.
