سهرهكى ناڤخۆ وەزیرێ باژێڕڤانیان: بەردەوام كار ل سەر بجهئینانا بڕیارا بەلاڤكرنا پارچەیێن ئەردی دكەین
وەزیرێ باژێڕڤانیان: بەردەوام كار ل سەر بجهئینانا بڕیارا بەلاڤكرنا پارچەیێن ئەردی دكەین
وەزیرێ باژێڕڤانی و گەشتوگوزارێ ل حوكمەتا هەرێما كوردستانێ ئاشكرا كر، كار بۆ بجهئینانا بەلاڤكرنا پارچەیێن ئەردی دهێتە كرن و بڕیارە سوبەهی 9/5/2024 كۆمبوونەكا دی یا بەرفرەه ب مەرەما بەرهەڤیێن بەلاڤكرنا پارچەیێن ئەردی بهێتە ئەنجامدان.
ساسان عەونی، وەزیرێ باژێڕڤانی و گەشتوگوزارێ راگەهاند: «بەرپرسێن باژێڕڤانیان ل هەموو پارێزگەه و ئیدارەیێن سەربخۆ د كۆمبوونا سوبەهی دا دێ ئەوان نەخشەیێن هاتینە داخوازكرن بۆ بەلاڤكرنا پارچێن ئەردی پێشكێشی وەزارەتێ كەن، ب مەرەما ڤەدیتنا پارچێن ئەردی د ناڤا ماستەرپلانێن باژێڕڤانیان دا».
ناڤهاتی گۆت: «ئەو باژێڕڤانیێن پێدڤی ب بەرفرەهكرنا سنوورێ ماستەرپلانێ هەی، ماستەرپلانا وان دێ هێتە بەرفرەهكرن، داكو دەلیڤەیا بەلاڤكرنا پارچێن ئەردی هەبیت، چونكی حوكمەت ل سەر بەلاڤكرنا پارچێن ئەردی یا رژدە».
