ب گوژمێ پتری سێ ملیار دیناران پڕۆژەیەكێ ئاڤێ ل خانكێ دێ هێتە بجهئینان
دهۆك، لەزگین جۆقی:
ڕێڤەبەرێ ناوچەداریا خانكێ دیار كر كو ل سەر بودجەیا پارێزگەها دهۆكێ ب گوژمێ پتری سێ ملیار دیناران بەرێ بنیاتی بۆ پڕۆژەیێ ئاڤا ناوچەداریا خانكێ دی هێتە دانان.
زەردەشت شێخ شامۆ، ڕێڤەبەرێ ناوچەداریا خانكێ بۆ رۆژناما ئەڤرۆ خویا كر، ل دەمەكێ نێزیك بەرێ بنیاتی ژ بۆ پڕۆژەیێ ئاڤا خانكێ دێ هێتە دانان و گۆت: «هەمی ئامادەكاری بۆ بجهئینانا پڕۆژەی تەمامبووینە، بڕیارە د دەمێ سالەكێ دا ئەڤ پڕۆژە بهێتە بجهئینان و بكەڤیتە د خزمەتا خەلكێ ناوچەداریا خانكێ دا و ئاریشەیا ئاڤا ڤەخوارنێ ل ناوچەداریا خانكێ دێ چارەسەركەت».
زەردەشت شێخ شامۆ گۆتژی: «كاروانێ گەهاندنا پڕۆژەیێن خزمەتگوزاری بۆ ناوچەداریا خانكێ یێ بەردەوامە و هەتا نوكە چەندین پڕۆژە هاتینە ئەنجامدان و كەفتینە د خزمەتا خەلكێ دەڤەرێ دا و هەژمارەكا دی یا پڕۆژەیان ژی د رێ دانە».
