ل ئاكرێ هەوەكا ژناڤبرنا جهێن خودانكرنا تەرشوكەوالی دەستپێكر
ئاكرێ، رەمەزان زەكەریا:
ژ بەر بەلاڤبوونا دیاردا خودانكرنا تەرشوكەوالی و تێكچوونا سیمایێ باژێری و بەلاڤبوونا نەخوشیان و بێهنا پیساتیێ دوهی 19/5/2024 ب سەر پەرشتیا د. دلاوەر بوزۆ، دەڤەردارێ ئاكرێ و سەرۆكێ باژێرڤانیا ئاكرێ و لیژنا زێدەگاڤیان هەوەكا بەرفرەه بۆ ژناڤبرنا جهێن خودانكرنا تەرشوكەوالی د ناڤا گەڕەكێن ئاكرێ دا دەستپێكر.
وەكو یا دیار بەلاڤبوونا دیاردا خودانكرنا تەرشوكەوالی د ناڤ گەڕەكێن ئاكرێ دا بەر ب زێدەبوونێ چوویە و بوویە ئەگەرێ تێكچوونا سیمایێ باژێری و زێدەگاڤی ل سەر ملكێ گشتی، زێدەباری بەلاڤبوونا نەخوشیان و بێهنا پیس، لەوما داخواز ژ خەلكی هاتە كرن، ئەڤ دیاردە نەمینیت و ل گەل تیمێن پەیوەندار هاریكار بن و ئەڤ هەوە دێ یا بەردەوام بیت.
