مەزنترین سامانێ بەنداڤا دهۆكێ هاتـە دیتن

دهۆك، لەزگین جوقی:

رێڤەبەری بەنداڤا دهۆكێ دیار كر كو بەنداڤا دهوكێ د ناڤبەرا سالێن 1980 بۆ 1988 دا هاتیە دروستكرن، پشتی سەرهلدانا سالا 1991 هەمی دەستپێك و نەخشە و دیزاین و دیكیۆمێنت بەرزە ببوون.
فەرهاد محەمەد، رێڤەبەرێ بەنداڤا دهوكێ بۆ رۆژناما ئەڤرۆ خویا كر، پشتی بزاڤێن بەردەوام یێن دووڤچوون و لێگەڕیانێ بۆ ب دەستڤەئینانا وان، ژ بەر گرنگیا پتر یا سلامەتیا بەنداڤا دهۆكێ‌ و د ماوێ دو سالێن دووڤچوونێ و لێگەڕیانێ دا ژ لایێ ڕێڤەبەرێ بەنداڤا دهۆكێ ڤە پشكەكا مەزن ژ نەخشە و دیكیۆمێنت و ئەرشیف هاتنە دیتن.
فەرهاد گۆت: «پشكەك ژ ڤی ئەرشیفی ل پارێزگەها بەغدا بوو ل ڕێڤەبەریا گشتی یا بەنداڤان و پشكا دی ل پارێزگەها دیالا بوو ل بەنداڤا حەمرین، پشتی پەیوەندیان ل گەل ڕێڤەبەریێن پەیوەندیدار ئەڤ ئەرشیفە بۆ بەنداڤا دهۆكێ‌ هاتە ڤەگەڕاندن».
گۆتژی: «ئەڤە مەزنترین سامانێ بەنداڤا دهۆكێ بوو، كو هەمی قووناغێن بجهئینانا پڕۆژەی و هەمی ڕاپۆرت و داتایێن هایدرولۆجی د ناڤ دانە».

کۆمێنتا تە