دیمەنەكێ ئاشۆپی

عەبدولرەحمان مەحمود

دەم ئێڤارە
تیرۆژكێن ڕۆژێ
هێدی هێدی
یێ بەرەف
ئاڤابوونێ دچن
تەیر و تەوال
بۆ ژڤانێ هێلینێن خوە
یێ كار دكەن
بایەكێ فێنك
یێ تاكێن دار و بارا
ژ بلنداهیێ شۆڕ دكەن
هشێنا ئاڤێ
دگەل ئاوازێن بلبلا
دلا مەست دكەن
تاڤیەكا بارانا بهاری
تەڤ خەمێن من
دگەل خوە دبەت
پەلاتینك یێ سەمایێ
لسەر بەلگێن گولان دكەن
دیمەنەكە
هەست و خەیالان
هێور دكەت
چاڤان ژ كەڤالێن جوانیێ
تژی دكەت.

کۆمێنتا تە