ل زاخۆ سیستەمەكێ نوو بۆ بازاڕی دێ هێتە دانان
زاخۆ، دلۆڤان هالۆ:
ڕاید جەمال هەسن، ڕێڤەبەرێ بەڕەڤانیا باژێڕی ل زاخۆ بۆ ڕۆژناما ئەڤرۆ دیار كر كو سیستەمەكێ نوو بۆ بازاڕی دێ هێتە دانان و قووناغا ئێكێ ژی قەدەغەكرنا نخافتنا دوكانێن ل ناڤ بازاڕی ب پاتە و پەردەیان بوو.
ڕێڤەبەرێ بەڕەڤانیا باژێڕی ل زاخۆ، ئاماژە ب وێ چەندێ ژی كر كو پشتی زێدەبوونا ڕوودانێن ئاگربەربوونێ د ناڤ بازاڕێن جودا دا یێن هەرێما كوردستانێ، ل زاخۆ پڕۆژەیەكێ نوو هاتە پێشنیاركرن ب شێوەیەكی، كو مەترسیا ئاگربەربوونێ ل سەر چ بازارێن زاخۆ نەهێلیت.
ڕاید جەمال گۆت: «ل قووناغا دویێ یا پڕۆژەیی تۆڕا كارەبا موالیدەیان ب تەمامی دێ هێتە نووكرن، دیسا بۆ قووناغا سێیێ ژی دێ سیستەمەكێ نوو یێ ئاگرڤەمراندنێ ل هەموو بازاڕێن زاخۆ هێتە دانان».
