هەژمارەكا قوتابخانەیان ل ئامێدیێ دهێنە نووژەنكرن
ئامێدیێ، مەحمود نهێلی:
د بەردەوامیا گرنگیدان ب كەرتێ پەروەردێ و ئاڤاكرنا قوتابخانەیان و نووژەنكرنا وان، رازیبوون ل سەر نووژەنكرنا هەژمارەكا قوتابخانەیان ل سنوورێ دەڤەرداریا ئامێدیێ هاتیە كرن.
وەجیهـ سەعید مستەفا، رێڤەبەرێ پەروەردا دەڤەرداریا ئامێدیێ بۆ رۆژناما ئەڤرۆ دیار كر، بۆ ئەڤ سالە ژی رازیبوون ل سەر نووژەنكرنا هەژمارەكا قوتابخانەیان هاتیە كرن و گۆت: «بۆ نووژەنكرنا ١٤ قوتابخانەیێن دی هەر ل سنوورێ دەڤەرداریا ئامێدیێ وان پڕۆژە ڕەوانەی وەزارەتێ كریە بۆ وێ یەكێ رازیبوون ل سەر بهێتە كرن و دەست ب نووژەنكرنا وان ژی بهێتە كرن».
ئاشكرا ژی كر، د دەمەكێ نێزیك دا دەست ب نووژەنكرنا وان دێ هێتە كرن، دیسا د نوكە دا سێ قوتابخانە دهێنە ئاڤاكرن و دو ژ وان تەمام بووینە و كەفتینە د خزمەتا خەلكێ دەڤەرێ و قوتابیان دا».
وەجیهـ سەعید دیار كر ژی، د كابینەیا نەهێ دا ٧٦ قوتابخانە ل سنوورێ ئامێدیێ هاتینە نووەژكرن، د هاڤینا ئەڤ سالە دا دێ ٢٢ قوتابخانە هێنە نووەژنكرن، هەكە رازیبوون ل سەر وان چاردەیان هاتەكرن یێن مە بلندكرین، دیسا ژوورێن خواندنێ بۆ هەژمارەكا قوتابخانەیان دێ هێنە زێدەكرن.
