ل دووڤ ڤان رێنماییان فشارا خوینێ بپیڤە
نۆشدار شیرەتان دکەن ئەو كەسێن دكەن كو فشاڕا خوینێ هەیە و ل مال ب ئامیرا یان ژلایێ نۆشداری پشكنینان ئەنجام بدەن، دڤێن چەند كارەکا پێشوەخت ئەنجام بدەن.
یونونا خامیچكایا كو نۆشدارا تایبەت یا نەخۆشیێن دلی یە دبێژیت: هەر نەخۆشەكێ بەری ئەنجامدانا پشكنینا فشارا خوینێ ل مال یان ل کلینیکا نۆشداران، دڤێت چەند كارەکا ئەنجام بدەت ئەوژی پێکهاتینە ژ:-
– پشكنینا فشارا خوینێ دڤێت بەری خوارنا حەبان و چارەسەریێن دی ئەنجام بدەی.
– نیڤ سعەتێ بەری پشكنینێ، نابیت جگارا بکێشی و قەهوێ ڤەخۆی.
– بەری دەستپێکرنا پشكنینێ، دڤێت بچیە تەوالێتێ و پاش بۆ دەمێ 5 دەقیقا ب ئارامی روینی.
– ل دەمێ پشكنینێ دڤێت دەستێن خۆ تەر بكەی و بۆ ئاستێ دلێ خۆ بلند بکەی.
– ب هیچ شێوەیەكی نابیت پشكنین لسەر جلکان بهێتە ئەنجامدان، بەلكو دڤێت ل سەر دەستێ رویس بكەی.
– ئەو كەسێ پشكنینێ دکەت، دڤێت ل سەر كورسیکێ ب روینیت، نەك ل سەر عەردی و دەستێ خۆ بشدینیت.
– ل دەمێ ئەنجامدانا پشكنینێ دڤێت یێ ئارام بی و نابیت باخڤی.
– ل دەمێ پشكنیێ دا نابیت تە ترس و نەئارامی هەبیت، چونكو رەنگە ئەو ترس ببیتە ئەگەرێ بلندبوونا فشارا خوینێ.
– ئەو كەسێن نەخۆشیا فشارا خوینێ هەی، ب کێماتی دڤێت حەفتیانە جارەکێ یان دوجارا پشكنینان ئەنجام بدەن.
