د روودانەكێ دا ل گەلیێ شێرانە سێ كەس بوونە قوربانی
ئامێدیێ، مەحمود نهێلی:
ژ ئەنجامێ وەرگەڕیانا ترۆمبێلەكێ ل گەلیێ شێرانە ل سنوورێ ناوچەداریا دێرەلۆكێ كەسەكی گیانێ خوە ژ دەست دا و دو یێن دی ژی بریندار بوون.
ئێك ژ كەسوكارێن قوربانیان بۆ رۆژناما ئەڤرۆ دیار كر، هەژمارەكا گەنجان ب مەرەما سەیرانێ قەستا گەلیێ شێرانە كریە و گۆت: «ل دەمێ چووینە پشتا گەلی ترۆمبێلا وان وەگەڕیایە و د ئەنجام دا شۆفێرێ ترۆمبێلێ بناڤێ ئازاد سەفەر یێ تەمەن 20 سالی گیانێ خوە ژ دەست دا».
دیار ژی كر، دو كسێن دی ژی د ترۆمبێلێ دا بوون، ئێك ژ وانا ب گرانی بریندار بوویە و هاتە رەوانەكرن بۆ نەخۆشخانا هەوارهاتنێ ل دهۆكێ و یێ دی ژی ب سڤكی بریندار بوویە و گۆت: «هەر سێ كەس ئاكنجیێن سەنتەرێ ناوچەداریا دێرەلۆكێ نە و هەڤالێن ئێك بوون».
دهێتە زانین ژ بەر خرابیا رێك و جاددەیان سالانە چەندین روودانێن هاتنوچوونێ ل دەڤەرا ئامێدیێ روو ددەن و قوربانی ژێ پەیدا دبن.
