زانكۆیا دهۆك دێ پێشانگەها دەلیڤەیێن كاری ڤەكەت
ب مەرەما پەیداكرنا دەلیڤەیێن كاری، زانكۆیا دهۆك هەمی گەنجان و ب تایبەتی دەرچوو و قوتابیێن زانكۆیا دهۆك ئاگەهدار دكەت، كو ئەڤرۆ رۆژا دوشەمبی 10/6/2024 و ل دەمژمێر 10:00ی سپێدێ هەتا 4:00ی ئێڤاری، ل سەنتەرێ كۆنفرانسان ل زانكۆیا دهۆك، پێشانگەها دەلیڤەیێن كاری دێ هێتە ڤەكرن.
زانكۆیا دهۆك ئاشكرا كریە، ئەڤ پێشانگەهە، ب پشكداریا ٦٩ كۆمپانی و رێكخراو و سازیێن جودا دێ هێتە ڤەكرن، تێدا نێزیكی ٢٧٧ دەلیڤەیێن كاری د بیاڤ و بسپۆریێن جودا دا دێ هێنە نیشادان.
هەروەسا خویا ژی كریە كو ئەڤ پێشانگەهە دێ بیتە رێكەك بۆ هەڤگەهاندنا گەنجان ل گەل خودان كار و كۆمپانیان د بیاڤێن جودا دا و پەیداكرنا دەلیڤەیێن چاڤپێكەفتن و دانوستاندنێ د ناڤبەرا وان دا.
هەژی گۆتنێ یە، پێشانگەه ژ لایێ سەنتەرێ گەشەپێدانا كاری ل زانكۆیا دهۆك (CDC) ب هەڤكاری ل گەل رێكخراوا ئەنجوومەنێ پەنابەران یێ نەرویجی (NRC) دێ هێتە ڤەكرن.
