پتریا جاران زکئێشانا زارۆیان جهێ مەترسیێ نینە
د. قادر محەمەد سالح، تایبەتمەندێ نشتەرگەریێن زاڕۆکان دیارکر زكئێشان ل دەف زاڕۆیان گەلەک یا بەربەلاڤە و گۆت: زوربەیا زكئێشانێ ل دەف زارۆکان چ ئەگەرێن مەترسیدار نینن بەلێ هندەک زكئێشان مەترسینە دەف زاروکی و چەند نیشان هەنە کو پێدڤیە دایباب بزانن.
تایبەتمەندێ نشتەرگەریێن زاڕۆکا خویاکر ژوان نیشانان ئەگەر ئێشانا زکێ زارۆکی تا دگەلبیت یان دلرابوون ب تایبەت ئەگەر زەراتی یان کەسکاتی دگەل ڤێ دلرابوونێ هەبیت یانژی زارۆک بو دەمەکێ دڕێژ قەبز بیتن یان خوین دگەل دەستنڤێژا ستویر یا زاڕۆکی هەبیتن، هەروەسا ئەگەر ئەڤ زکئێشانە بو دەمەکێ درێژ بەردەوام بیتن یانژی دایباب بزانن کو ئەڤ زکئێشانە یا کاریگەریێ ل گەشا زاڕۆکی دکەتن پێدڤیە نیشا نۆشدارەکی بدەن.
د. قادر محەمەد سالح، تایبەتمەندێ نشتەرگەریێن زاڕۆکا دازانین ئەگەر ئەڤ نیشانە ل دەڤ زارۆکی پەیدابوون وی دەمی پێدڤی ب چارەسەریێ یە و پێدڤیە پشکنین بو بهێنە ئەنجامدان و گۆت: دەمێ نۆشدارێ تایبەتمەند ب دەست ب پشکنینان دکەت گەلەکا گرنگە، چونکی دبیت ئەڤ زکئێشانە نیشانا هندەک نەخوشیان بیتن کو ب پشکنینا دەستی دهێتە دەستنیشانکرن وەک نەخۆشیا بەربەلاڤ دناڤ خەلکیدا کو دبێژنێ ( رووڤیکا کۆرە)، هەروەسا هندەک نەخوشیێن دی هەنە کو دبیت پێدڤی ب تیشکێ و سونەرێ بیتن یان پشکنینێن خوینێ بیتن و گۆت: یا پێدڤیەل سەر مە وەک نۆشدار و دەیبابا کو مافێ زاروکیە نەمینیتە د ئێشانێدا و چارەسەریا وان بهێتە کرن و دووربن ژ ئێش و ئازاران.
